O’rta maxsus

GetMaxX va GetMaxY funksiyalari mos ravishda ekranning gorizontal va vertikal yo‘nalishi bo‘yicha maksimal koordinatasini aniqlaydi. Bu funksiyalar kompyuterning grafik adapteri va ishlatiladigan grafik holatga bo‘g‘liq bo‘lmagan dasturlar tuzishda foydalidir.
Paskalda chiziq rangini tanlash uchun SetColor(rang), fon rangini tanlash uchun esa SetBkColor(rang) protseduralaridan foydalaniladi. Bu yerda rang – butun sonli o‘zgaruvchi yoki o‘zgarmas bo‘lib, u tanlangan rang kodini yoki unga mos konstanta nomini ifodalaydi. Paskalda grafik holatda ekranga chiqarilayotgan matnli ma‘lumot rangi ham chiziq rangi kabi qaraladi. Tanlangan rang joriy rang deyiladi. Agar avval biror rang tanlanmagan bo‘lsa, u holda oq rang joriy hisoblanadi.
Line(X1,Y1,X2,Y2) protsedurasi ekranning (X1,Y1) koordinatali nuqtasi bilan (X2,Y2) koordinatali nuqtasini birlashtiruvchi joriy rangli kesma chizadi.
۩. Ekranni o‘rtasidan o‘tuvchi gorizontal va vertikal chiziq chizuvchi dastur tuzing.

Yechim: Gorizontal chiziq rangi qizil bo‘lishi uchun Setcolor(red) va vertikal chiziq rangi sariq bo‘lishi uchun Setcolor(yellow); protseduralari qo‘llaniladi. Ma’lumki, Line(X1,Y1,X2,Y2) protsedurasi ekranning (X1,Y1) koordinatali nuqtasi bilan (X2,Y2) koordinatali nuqtasini birlashtiruvchi joriy rangli kesma chizadi. Shunga ko‘ra gorizontal chiziqni 20 pikseldan 600 pikselgacha chizdirish uchun X1=20, X3=600, ekran markazidan o‘tishni ta’minlash uchun ikkinchi va to‘rtinchi koordinataga (480/2=) 240 yoziladi. Vertikal chiziqni 20 pikseldan 460 pikselgacha chizdirish uchun X2=20, X4=460, ekran markazidan o‘tishni ta’minlash uchun birinchi va uchinchi koordinataga (640/2=) 320 yoziladi.

Dasturi: Uses Graph; var gd, gm: Integer; Begin gd:= 0; InitGraph(gd, gm, ''); Setcolor(red); Line(20,240,600,240); Setcolor(yellow); Line(320,20,320,460); Readln; CloseGraph; End.

Natijaning ekrandagi ko‘rinishi: