O’rta maxsus

Var 1-o‘zgaruvchi : turi; 2-o‘zgaruvchi : turi;
3-o‘zgaruvchi : turi; … ; n-o‘zgaruvchi : turi;
Agar bir nechta o‘zgaruvchining turi bir xil bo‘lsa, ularni alohida tavsiflamasdan, birgalikda tavsiflash ham mumkin:
Var 1-o‘zgaruvchi, 2-o‘zgaruvchi,…, n-o‘zgaruvchi : turi; Masalan:
Var i, j: Integer; bma: longint; mmr: Shortint; tartib_raqam: Byte; nat_0: word; burchak, yoy_uzunligi : Real; mab : extended; daraja : Single; kub : double;
haqiqiy : Comp; harf, belgi : char; natija : Boolean; katta, kichik : Boolean;
Paskalda butun turdagi o‘zgarmas miqdorlar qiymatini qabul qiladigan o‘zgaruvchilar butun turdagi o‘zgaruvchilar deyiladi. Xuddi shunday, haqiqiy, belgili, mantiqiy o‘zgaruvchilar aniqlanadi.
Satrli o‘zgaruvchilarni tavsiflash uchun Paskalning String maxsus so‘zi qo‘llaniladi. Bunday o‘zgaruvchilar uchun kompyuter xotirasidan
(o‘zgarmaslardan farqli ravishda) 255 bayt (255 ta belgi uchun) joy ajratiladi. Agar satrli o‘zgaruvchi qabul qiladigan satrdagi belgilar soni dastur ishlashi davomida ma’lum miqdordan, masalan, 10 ta belgidan oshmasa, kompyuter xotirasini tejash maqsadida, uni String[10] kabi tavsiflash maqsadga muvofiq. Masalan:
Var qator : String; {qator nomli o‘zgaruvchiga xotiradan 255 bayt ajratildi} _satr : String[24]; {_satr nomli o‘zgaruvchiga xotiradan 24 bayt ajratildi}
Paskalda tilida tuzilgan dasturda faqat tavsiflangan o‘zgaruvchilar ishtirok etishi mumkin. Paskal translyatori tavsiflanmagan o‘zgaruvchilarni dasturda ishlatishga yo‘l qo‘ymaydi hamda xato xabarini ekranga “Error 3: Unknown identifier” (Xato 3: Noma’lum identifikator) yozuvi orqali ifodalaydi.
Shuni yodda tutish zarurki, o‘zgaruvchilarga faqat tavsiflashda ko‘rsatilgan turdagi qiymatlarnigina berish mumkin bo‘ladi.
Ba’zan biror turdagi o‘zgaruvchiga boshqa turdagi o‘zgaruvchini qiymatini beruvchi amallar bajarlishi mumkin. Bunday amallar turlarni o‘tkazish deyiladi. Masalan, real turdagi o‘zgaruvchiga integer turdagi o‘zgaruvchi qiymatini berish mumkin (teskarisi emas).