O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Fanning maqsad va vazifalari.
Fanning maqsadi: MTM da va oilada tarbiyalanuvchilarga madaniy, ma’naviy, yetuk shaxs etib tarbiyalashda go’zallik qonuniyatlari asosida xizmat qilishdan iborat. Maktabgacha ta’lim standartida dastur istiqboliga mo’ljallangan talablar asosida milliy ruh, milliy musiqa ohanglarini imkon qadar o’zida mujassam etib, musiqada zaruriy bilim va amaliy malakalarni tarkib toptirish asosiy maqsadi hisoblanadi
O’quvchilarning musiqaviy ko’nikma va malakalarini rivojlantirish, hamda musiqa haqida tushuncha berish bilan musiqadan ta’sirlanishini tarkib toptirish, musiqa adabiyotlaridan foydalanish, musiqa tinglash, qo’shiq aytish, musiqaviy ritmik harakat bajarishga o`quvchilarni jalb qilish, musiqa fanini amaliyot bilan bog’lash, mavzularga mos ko’rgazmali qurollar tayyorlash, o’quvchilarni boy me’rosimizdan bahramand etish, bo’lajak pedagogik faoliyatlarida bilimlarini qo’llay bilishlariga o`rgatish fanning asosiy maqsadidir.
Fanning vazifalari: O`quvchilarni kasbiy malakalarini egallash va kasbiy faoliyatda qo`llashda musiqiy bilimdonlikning zaruriy asoslarini tarkib toptirishdan iboratdir. Fanning nazariy, amaliy mavzularining o`qitishning uslublarini keng qo`llash, tez, oson o`zlashtirib, uzoq vaqt yodda saqlashlariga yordam beradi. Unda musiqa savodining asosiy mazmunlari qamrab olinib, ko’proq bog’cha musiqa repertuarlari misolida o’rganiladi. Bog’chada o’tiladigan mashg’ulotlar musiqa bilan chambarchas bog’liq bo’lgan holda muntazam o’tib boriladi. Musiqa savodidan olingan bilimlar musiqa fanlari amaliyotida qo’llanishi, solfetjio qilib qo’llash, ashula aytish metodini davom ettiradi. Ushbu fanni o`tishning asosiy vazifalariga quyidagilar kiradi: O`quvchilarning milliy musiqani idrok etish malakalarini o`stirish.

1. 
   Qo`shiq kuylash malakalarini o`stirish.
   
2. 
   Musiqiy-nazariy savodxonlikni o`stirishni shakllantirish.
   
3. 
   O`quvchilarning musiqiy – ritmik faoliyatlarini shakllantirib borish.
   

Talabalarda yuqori ko`nikmalarni shakllantirish dars jarayonida nazariy va amaliy mashg`ulotlar, musiqa vositasida bajariladi.