O‘rta maxsus, kasb-hunar ta’limi muassasalarining o‘qituvchilari uchun namunaviy yillik ish rejasini tasdiqlash to‘g‘risida

O‘rta maxsus, kasb-hunar ta’limi o‘qituvchilarining asosiy faoliyat turlariga sarflanadigan vaqt
me’yorlari*

T/r	Ish turlari	Vaqt me’yori, soat	Izoh
I. O‘quv ishlari**
1.	Nazariy, amaliy, laboratoriya va seminar mashg‘ulotlari hamda o‘quv, ishlab chiqarish va diplom oldi (pedagogik)*** amaliyotlarini o‘tkazish.	O‘quv rejasiga binoan 1 akademik soatga 1 soat yuklama yoziladi.
2.	Fanlar bo‘yicha konsultatsiyalar o‘tish.	O‘quv rejasida belgilangan yuklamaning 5% hajmida.
3.	Kurs ishlariga rahbarlik qilish, maslahat va taqriz berish hamda himoyasini tashkil etish.	Bitta kurs ishi rahbarligiga — 1,2 soat, taqriz berishga — 0,5 soat.
4.	Yakuniy davlat attestatsiya komissiyasi ishida ishtirok etish.	Har bir a’zoga bitta bitiruvchi uchun: yozma va amaliy ishga 0,2 soat, og‘zaki savol-javob va bitiruv malakaviy ishi himoyasiga 0,3 soat va test sinoviga 0,1 soat ajratiladi.	Yakuniy davlat attestatsiya komissiyasi a’zosining bir kunlik yuklamasi 6 soatdan osh�asligi lozim.
5.	O‘quvchilarning reyting nazorati ishlarini tekshirish.	Har bir o‘quvchi uchun oraliq nazoratga 0,2 soat, yakuniy nazoratga 0,1 soat ajratiladi.	Oraliq nazorat bir fandan bir o‘quv yilida bir o‘quvchiga nisbatan o‘quv yuklamasi 80 soat bo‘lsa 1 soat, 160 soat bo‘lsa 2 soat, 240 soat bo‘lsa 3 soat, 320 soat bo‘lsa 4 soatdan oshmasligi kerak.
6.	Bitiruv malakaviy ishlariga rahbarlik qilish, maslahat berish.	Har bir bitiruvchiga 16 soat, jami 128 soatgacha ajratiladi.	Zarur hollarda bitiruv malakaviy ishiga rahbarlik qilish uchun ajratilgan 16 soat yuklamaning bir qismi (bitiruv malakaviy ishining konstruktiv, iqtisod, mehnat, tabiatni muhofaza qilish va boshqa bo‘limlaridan) boshqa maslahat beruvchilarga ajratilishi mumkin.
7.	Bitiruv malakaviy ishlariga taqriz berish.	Har bir bitiruvchining bitiruv malakaviy ishiga 4 soat ajratiladi.	Bir taqrizchiga 8 tagacha bitiruv malakaviy ishlari berilishi mumkin.