O‘rta maxsus, kasb-hunar ta’limi markazi m. Rahimov quduqlarni burg‘ilash

4.2-§. Yo‘naltirilgan burg‘ilash
Yo‘naltirilgan burg‘ilashning ishlatilish sharoitlari
Yo‘naltirilgan burg‘ilash quyidagi sharoitlarda yaxshi natijalar
beradi:
—  kuchli  dislokatsiya  bo‘lgan  konlarda  (qatlamlar  70°—90°
burchak bilan yotganda, ag‘darilgan skladkalarda va h.k.);
— quduqlarning chuqurligi 600—700 m dan ortiq bo‘lganda
(300 metrgacha bo‘lganda zaruriyat juda kam bo‘ladi);
—  foydali  qazilma  qatlamlari  kichik  maydonli  bo‘lganda
(500

500 m dan kam bo‘lganda);
— murakkab qatlam morfologiyasi bo‘lganda (murakkab konfi-
guratsiya, qatlam qalinligining o‘zgaruvchanligi, rudasiz zonalar-
ning borligi va h.k.).
Yo‘naltirilgan va ko‘p zaboyli burg‘ilash, asosan, mukammal
razvedka bosqichida, ya’ni quduqdagi egrilanish qonuniyatlari va
uning jadallashuvi to‘g‘risida ma’lumotlar bo‘lganda ishlatiladi.
Qo‘shimcha  stvollarni  burg‘ilash  ma’danli  qatlamlarni  ko‘p
karra kesib o‘tishda keng qo‘llaniladi. Yo‘naltirilgan burg‘ilash ko‘l
va botqoqliklar, daryo va yirik inshootlar ostida joylashgan foydali
qazilmalarni razvedka qilish uchun ishlatiladi.