O‘rta maxsus, kasb-hunar ta’limi markazi m. Rahimov quduqlarni burg‘ilash

Nazorat uchun savollar
1. Kameralarning qanday turlari mavjud va ular qanday jihozlanadi?
2. Yerosti lahmlaridan burg‘ilashning qanday o‘ziga xos texnologiyasi
bor?

---

127
4-BO‘LIM.
   QUDUQLARNING  EGRILANISHI VA
YO‘NALTIRILGAN   BURG‘ILASH
§ 4.1. Quduqlarning  egrilanishi
Foydali qazilma  konlarini   razvedka  qilishda  va muhandislik -
geologik  izlanishlar  olib  borishda  yo‘naltirilgan  burg‘ilash  ishla-
tiladi.  
Yo‘naltirilgan burg‘ilashning  mohiyati shundaki,  quduqlar
berilgan  profil  bo‘ylab,  sun’iy  egrilanish  bilan  tabiiy  egrilanish
qonuniyatlaridan  foydalanilgan  holda  burg‘ilanadi.
Yo‘naltirilgan  burg‘ilash  yordamida  ko‘p stvolli  quduqlar
burg‘ilanadi, ular  bitta  quduq  stvoliga  va  bir necha  zaboylarga  ega
bo‘ladi.  Bu  quduqlarda  bitta  asosiy  stvoldan  bitta  burg‘ilash
qurilmasi  yordamida  bir necha  qo‘shimcha  stvollar  burg‘ilanadi.
Ko‘p stvolli quduqlar  umumiy  burg‘ilash  ish  hajmlarini,
montaj va  demontaj  vositalarini,  kommunikatsiyalarni  yo‘lga
qo‘yishni,  obyektga    boradigan    yo‘llar    qurilishini,  burg‘ilash
uskunalari  va asboblarini  transportirovka  qilishni  qisqartiradi.
Yo‘naltirilgan    burg‘ilash    quyidagilarni    amalga    oshirish
imkonini  beradi:
1) konlarni  ko‘p  stvolli  quduqlar  bilan  cheklangan  sondagi
nuqtalar bilan  razvedka  qilish;
2) quduqning  ayrim  intervallarini  qayta  burg‘ilash;
3) egrilangan  quduq  trassalarini  to‘g‘rilash;
4) muhandislik inshootlari  ostini  razvedka  qilish;
5) quruqlikda  turib  suvosti   basseynlari  ostini  razvedka
qilish.