O‘rta maxsus, kasb-hunar ta’limi markazi m. Rahimov quduqlarni burg‘ilash

Nazorat uchun savollar
1. Statik  va dinamik sath, suv sathini pasaytirish  va quduq  debeti
deb nimaga aytiladi?
2.  Suv  quduqlari  qanday  usullar  bilan  burg‘ilanadi,    ularning
ishlatilish sharoitlarini keltiring.
3. Filtrlarning qanday turlari mavjud?
4. Filtrli kolonnaning tarkibi.
5. U yoki bu burg‘ilash usullarida suvli gorizontlar qanday ochiladi?

---

181
9-BO‘LIM.
 BURG‘ILASHDA ISHLATILADIGAN
TOZALASH AGENTLARI
9.1-§.  Yuvish suyuqliklarining turi va ahamiyati
Aylanma  burg‘ilash  usulida  quduq  zaboyida  tog‘  jinslari
parchalanadi, buning natijasida zaboyda ko‘p miqdorda shlam hosil
bo‘ladi va shu bilan birga jinslarni parchalovchi asboblarning harorati
ortadi. Zaboyda yig‘ilgan shlam burg‘ilash snaryadining aylanishiga
xalaqit beradi va uning natijasida avariyalar yuz berishi mumkin.
Jinslarni parchalovchi asboblarning qizib ketishi ham avariyalarga
olib kelishi mumkin (koronkaning erib ketishi, mexanik sinishi,
koronkadagi olmoslarning grafitlanishi va h.k.).
Burg‘ilash jarayonida quduqni shlamlardan tozalash va jinslarni
parchalovchi asboblarni sovitish uchun nasos yordamida quduqqa
yuvish  suyuqligi  haydaladi.  Burg‘ilash  quvuri  orqali  zaboyga
haydalgan  yuvish  suyuqligi  burg‘ilash  koronkasini  sovitadi  va
maydalangan jinslarni yuqoriga chiqaradi. Bundan tashqari, yuvish
suyuqligi  quduq  devorlariga  gidrostatik  bosim  berib,  uning
mustahkamligini  oshiradi,  gil  eritmasi  ishlatilganda  esa  quduq
devorlarida gil qatlami hosil qiladi.
Yuvish suyuqliklari quduqqa ikkita turdagi sxema bilan haydaladi.
1)