Ish stoli Operatsion tizim ishga tushgandan so`ng ekranda ish stoli hosil bo`ladi (1.7-rasm).
Unda Windows OT ning ba’zi interfeys elementlari joylashgan, ular quyidagilar:
Мой компьютер (Mening kompyuterim) – u tizim papkalaridan biri bo`lib, mazkur kompyuterning obrazi bo`lib, uning yordamida kompyuter resurslariga (ya’ni qattiq disk hamda yumshoq disk, CD Rom, tarmoq disklariga, shu kabilarga) ulanish va kirish mumkin.
Сетевое окружение (Tarmoq doirasi) – u mumkin bo`lgan barcha tarmoq resurslarini o`zida saqlaydi (agar kompyuter tarmoqqa ulangan bo`lsagina).
Корзина (Savat) – olib tashlangan (o`chirilgan) kerakli papkalarni, fayllarni va yorliqlarni vaqtincha saqlovchi joy bo`lib, kerak bo`lganda ularni qayta tiklash imkonini beradi. Bu savatga faqat Windows vositalari bilan o`chirilgan ob’ektlar joylashtiriladi.
Сетевое окружение (Tarmoq doirasi) – u mumkin bo`lgan barcha tarmoq resurslarini o`zida saqlaydi (agar kompyuter tarmoqqa ulangan bo`lsagina).
Корзина (Savat) – olib tashlangan (o`chirilgan) kerakli papkalarni, fayllarni va yorliqlarni vaqtincha saqlovchi joy bo`lib, kerak bo`lganda ularni qayta tiklash imkonini beradi. Bu savatga faqat Windows vositalari bilan o`chirilgan ob’ektlar joylashtiriladi.
Портфель – bir nechta kompyuterlar bilan ish olib borilayotganda fayllarni sinxronlashtirishni (so`nggi namunalarga almashtirishni) ta’minlaydi. Masalan, ishni “uyga” olmoqchi bo`lsangiz Портфель dan foydalanishingiz mumkin.
Internet Explorer – Internet tarmog`ini ishga tushiradi. Ya’ni uning yordamida WEB sahifalarni ko`rib chiqish mumkin. Agar kompyuter Internet tarmog`iga ulanmagan bo`lsa, u holda ish stolidan bu piktogrammani o`cherish mumkin.
Outlook Express – u Windows ning xabarlar tizimi bo`lib, unga electron pochtadan o`tayotgan axborotlar kelib tushadi. O`rnatilgan dasturga qarab electron pochtaning u yoki bu turiga ulanishini ta’minlashi mumkin.
Мои документы (Mening hujjatlarim) – bu papka shaxsiy hujjatlar uchun mo`ljallangan bo`lib, unda o`zimizning ishimiz natijalarini (ya’ni fayl va papkalarni) saqlashimiz mumkin.
Ish stolida albatta, Мой компьютер va Корзина tizim papkalarining bo`lishi shart.
Windowsning tizim papkalari oddiy papkalardan quyidagi xususiyatlari bilan farqlanadi:
tizim papkalarini yo`qotish mumkin emas;
корзина papkasining nomini o`zgartirib bo`lmaydi;
ba’zi tizim papkalarining kontekst menyusida o`ziga xos bo’yruqlar mavjud.
Bundan tashqari Ish stolida ko`p ishlatiladigan ob’ektlar yorliqlarini ham joylashtirish mumkin.
Masalalar paneli (Панель задач)
Masalalar paneli ekranniung eng quyi qismida joylashgan bo`lib, unda joriy vaqtda ishga tushirilgan barcha dasturlar va ochilgan papkalar piktogrammlari (tugmalari) joylashan bo`ladi (1.8-rasm). Bu dasturlar yoki papkalarning birortasini ishga tushirish uchun masalalar panelida joylashgan ularga mos tugmani sichqonchaning ko`rsatkichini keltirib chap tugmasini bir marta bosish yetarli. Masalalar panelining chap tomonida tizim asosiy menyusining «Пуск» tugmasi joylashgan. Uni ishga tushirib asosiy menyu bo`limlaridan foydalanish mumkin. Masalalar panelining o`ng burchagida vaqtni ko`rsatuvchi va alifboni (odatda, rus va ingliz) ko`rsatuvchi indikatorlar joylashgan bo`ladi. Bu indekatorlardan foydalanib alifboni o`zgartirish va joriy sana ko`rish mumkin. Agar kompyuterda tovush kartasi o`rnatilgan bo`lsa, u holda bu indekatorlarning chap tomonida tovushni boshqaruvchi tugma joylashgan bo`ladi. Bu tugmadan foydalanib kompyuterga ulangan kolonkaning ovozini boshqarish mumkin. Bundan tashqari masalalar paneliga ko`p ishlatiladigan dasturlarning piktogrammalarini ham joylashtirish mumkin. Ularning ixtiyoriy birini ishga tushirish uchun sichqoncha tugmasini bir marta ustida bosish yetarli.
Masalalar panelini ekran chegarasining xohlagan qismiga: yuqoriga, quyiga, chapga yoki o`ngga joylashtirish mumkin. Panelni boshqa bir joyga ko`chirish uchun uni sichqonchaning tugmasi bilan bosib turgan holda ekranning biror chegarasiga siljitamiz. Kerakli chegara bo`ylab to`g`ri to`rtburchakning konturi paydo bo`lganda, sichqonchaning tugmasini qo`yib yuboramiz. Masalalar panelini kengaytirish ham mumkin. Buning uchun panelning tashqi chegarasini sichqoncha bilan ilib olib, uni boshqa joyga ko`chiramiz.
