O’rta maxsus, kasb-hunar ta’lim markazi

,Bo 'ron " o 'yini.

Xalqimiz orasida azal-azaldan o'ynalib kelinayotgan bu o'yin ishtirokchidan tez harakatlanishni, epchillik va ziyraklikni talab etadi. O'yinning nomi ,,Bo'ron" deb ataladi.

Bu o'yin keng maysazorda yoki maydonda o'tkaziladi. O'yinda 15—16 yoshdagi o'quvchilar qatnashishi mumkin. Qatnashuvchilar ikki guruhga ajratiladi va ular maydonning bir tomoniga alohida-alohida saflanadilar. ,,Bo'ron" o'yini uchun belbog' va uning bir uchiga 300 gr qum-qipiq aralashtirib to'ldirilgan tuguncha zarur bo'ladi. Tuguncha qo'l ushlashga qulay bo'lishi lozim. Maydonning bir chekkasiga 1,5 metr chamasi doira chiziladi. O'yin hakam-ning qo'lidagi tugunchani maydonga qarab, kamida 20 — 25 metrga otishdan boshlanadi. Shu payt hakamning hushtagi ham chalinadi va o'yinchilar otilib chiqishib, tugunchani birinchi bo'lib qo'lga kiritishga harakat qiladilar. So'ngra tugunchali belbog'ni bir-birlariga uzatishib, doira ichiga — marraga olib kelib tashlashga intilishadi. Qaysi bir guruh o'yinchilaridan biri tugunchani marraga birinchi bo'lib tashlasa, o'sha guruh g'olib, deb e'lon qilinadi.