O‟rmonov N. T., Ismailov A. R

 
 
 
17.2. Ijroiya organ raisi huquq va majburiyatlari 
Jamiyatning boshqaruv raisi jamiyat nomidan ishonchnomasiz ish yuritadi, shu 
jumladan uning manfaatlarini ifodalaydi, jamiyat nomidan bitimlar tuzadi, 
jamiyatning filiali yoki vakolatxonasi rahbarini tayinlaydi, shtatlarni tasdiqlaydi, 
jamiyatning barcha xodimlari bajarishi majburiy bo‗lgan buyruqlar chiqaradi va 
ko‗rsatmalar beradi.Jamiyat boshqaruv raisining vakolat doirasiga quyidagilar xam 
kiradi: 
o jamiyat faoliyatining joriy va dasturlarini ishlab chiqish; 
o ishlab chiqarish, ilmiy-texnik, ijtimoiy va tabiatni muxofaza qilish 
dasturlarini moliyalash uchun investitsiyalar jalb qilishda ishtirok etish; 
o maxfiy xarakterdagi ma‘lumotlar ro‗yxatini va ularni olish tartibini 
belgilash; 
o jamiyat Aksiyadorlarining umumiy yig‗ilish va jamiyat kuzatuv 
kengashiga jamiyatning moliya-xo‗jalik faoliyati haqidagi balans va yillik 
hisobotni taqdim etish; 
o jamiyat Aksiyadorlarining umumiy yig‗ilish va jamiyat kuzatuv 
kengashiga foydani taqsimlash va zararni qoplash tartibi haqida takliflar kiritish; 
o o‗zining vakolatlaridan chiqmagan xolda jamiyatning ichki hujjatlarini 
va ijroiya apparatining tashkiliy tizimini tasdiqlash. 
 
Jamiyat boshqaruv raisi: 
- O‗zbekiston Respublikasi va chet ellarda shartnomalar, kontraktlar va 
boshqa bitimlar tuzadi, bank va moliya operatsiyalarini amalga oshiradi, shunday 
operatsiyalarni amalga oshirishga boshqa shaxslarga vakolatnomalar beradi; 
- jamiyat faoliyatining moliyaviy, investitsiyaviy, ishlab chiqarish dasturlarini 
amalga oshirishni tashkil qiladi; 
- jamiyat ishchilari bilan mehnat shartnomalarini imzolaydi, shu jumladan 
agar jamiyat kuzatuv kengashi tomonidan unga vakolat berilgan bo‗lsa jamiyat 

---

237 
boshqaruv a‘zolari bilan ham shartnomalar tuzadi; 
- jamiyat faoliyati haqida ommaviy axborot vositalariga axborotlar beradi va 
jamoatchilik bilan aloqalarni amalga oshiradi; 
- jamiyat mulki va mablag‗larini boshqaradi; 
- O‗zbekiston Respublikasi va boshka davlatlarning yuridik va jismoniy 
shaxslariga nisbatan jamiyat nomidan da‘volar taqdim etish haqida qarorlar qabul 
qiladi; 
- banklarda hisob, valyuta va boshqa raqamlarni ochadi; 
- jamiyatni ijtimoiy rivojlantirish masalalarini hal etadi; 
- jamiyat faoliyatining ishlab chiqarish va moliyaviy faoliyati uchun javob 
beradi; 
- jamiyatning normal faoliyatini ta‘minlash bilan bog‗liq boshqa vazifalarni 
bajaradi. 
Jamiyatning boshqaruv raisi vazifalarini boshqa tashkilotlarning boshqaruv 
organlaridagi lavozim bilan birgalikda egallab turishga faqat jamiyat kuzatuv 
kengashining roziligi bilan yo‗l qo‗yiladi.