"O'rganilayotgan mintaqa iqtisodi (xitoy iqtisodiyoti)" fanidan o'quv uslubiy majmua

O‘RGANILAYОTGAN MINTAQA IQTISODI (XITOY)
fanining
O‘QUV DASTURI


Kirish

Rivojlangan mamlakatlar qatoridan o‘rin olgan Xitoy Xalq Respublikasi hozirgi kunda qudratli davlatlar hisoblangan AQSh, Yaponiya, Yevropa Ittifoqi Davlatlari va Rossiya bilan iqtisodiy, ijtimoiy va ilmiy texnikaviy rivojlanish sohalari bo‘yicha raqobatlashish darajasiga chiqdi. Chunki Xitoy bugungi kunda Xalqaro maydonda o‘zining olib borayotgan siyosatida, xalqaro munosabatlarida, iqtisodiy rivojlanishda va ijtimoiy xayotida, o‘ziga yetarli bo‘lgan zamonaviy salohiyatga egadir va shu nuqtai nazardan dunyo hamjamiyatiga qo‘shilib, uning dolzarbligi kundan – kunga oshib bormoqda.

Ushbu dastur “Xitoy iqtisodiyoti”ning shakllanish va rivojlanish shart – sharoitlari, omillari, rivojlanish bosqichlari va undagi amalga oshirilayotgan iqtisodiy isloxotlar jarayoni, mamlakat iqtisodining ustuvor yo‘nalishlari va yaqin istiqboldagi ijtimoiy – iqtisodiy taraqqiyotining muhim jixatlari hamda bu boradagi davlat iqtisodiy siyosatini takomillashtirish masalalarini o‘z ichiga oladi.
1995 – yildan to hozirgi davrgacha bo‘lgan vaqt mobaynida olib borilgan isloxotlar natijasida Xitoy aholisining yashash darajasi “O‘rtamiyona – syao kan darajasiga” erishildi. Xitoy xukumati va Xitoy Kommunistik partiyasi tomonidan belgilangan mamlakatning kelajak rivojlanish rejasi bo‘yicha Xitoy iqtisodini 2021 yilgacha qisman va 2049 yilgacha to‘liq yangilash (modernizatsiyalash) ko‘zda tutildi. Yuqorida ta’kidlangan jarayonlarni mana shu Xitoy iqtisodi fanida batavsil o‘rganilish ko‘zda tutilmoqda.


O‘quv fanining maqsadi va vazifalari
Fanning maqsadi – talabalarda bozor iqtisodiyoti sharoitida XXRning “Bir davlat – ikki tizim” tamoyillaridan foydalanish oqibatida mamlakatni yuqori darajadagi iqtisodiy o‘sish suratlariga olib kelish yo‘llari va usullarini iqtisodiy rivojlanish nuqtai nazaridan, tajriba sifatida o‘rgatish natijasida, mos holda mavjud yo‘nalish profiliga mos bilim, ko‘nikma va malaka shakllantirishdir.
Fanning vazifalari – talabalarga Xitoy iqtisodida yuz berayotgan barcha makroiqtisodiy jarayonlarni, ya’ni iqtisoddagi tarkibiy o‘zgarishlar, ularning kelib chiqish omillari, sabablari va xususiyatlarini batafsil o‘rgatishdan iboratdir.