Orange textile profi

14.02.2022й.

№_____

“ЎЗТЎҚИМАЧИЛИКСАНОАТ” уюшмасига

Тошкент шаҳар Олмазор тумани Уста Ширин кўчаси 116 уйда жойлашган “ORANGE TEXTILE PROFI” МЧЖ корхонаси 2009-йилдан буён фаолият юритиб келади. Корхонанинг асосий фаолият тури трикотаж матоларини бўяш ва ишлов бериш, уларга гул босишдан иборат бўлиб, йиллик ўртача ишлаб чиқариш қуввати 2200 тоннани ташкил этади. Шунингдек корхона ўзи ишлаб чиқарган маҳсулотнинг 85 фоизини Россия, Украина, Беларусь, Польша давлатларига мунтазам экспорт қилиб келмоқда.
Корхонамиз ўз мижозларининг буюртмаларини қисқа вақт ичида сифатли ва ҳамёнбоп этиб тайёрлаб бериш, ишлаб чиқариш қувватини ошириш ва экспорт салоҳиятини янада кўтариш мақсадида шу йилнинг январ ойида Туркиянинг “IDES DIS TICARET MAKINA VE TEKSTIL SAN. LTD. STI” компаниясининг юқори самарадорликка эга бўлган “IDS01 HT MULTI-PLUS FABRIC DYEING MACHINE 1000KG” номли 2021-йилда ишлаб чиқарилган янги мато бўяшда ишлатиладиган қозонини 135000 АҚШ доллари(умумий 1 461 069 900,00 сўм)га харид қилди.
Бўёқ қозони корхонамизга етиб келгандан сўнг Туркиядан механик ва инженерлар гуруҳи 5кун ичида етиб келиб, 14 кун мобайнида созлаб, эксплуатация қилишга тайёр ҳолатга келтириб бердилар. Бўёқ қозинини ишлатиш, ундан самарали ва тўғри фойдаланиш бўйича Туркиялик инженер ва механиклар томонидан корхонамиз операторлари, механик, электроника бўйича мутахассис, технолог ва ишлаб чиқариш бўлими бошлиғига амалий ва назарий кўрсатмалар берилди. Сўнг биргаликда синов тариқасида бир неча марта мато бўяб кўрилди ва кутилганидан ҳам аъло натижа берди. Биз бу қозонни 11-февралдан ишлаб чиқаришда қўллай бошладик. Бу машина бизга йиллик иш самарадорлигини ўртача 15 фоизга ошириб бериши кутилмоқда. Натижада йил давомида ўтган йилга қараганда 330 тоннага кўпроқ маҳсулот ишлаб чиқаришга эришамиз.
Сиздан Ўзбекистон Республикаси Президентининг «ПФ-53» фармонига мувофиқ кўрсатилган тартибда субсидия ажратиб беришда амалий ёрдам беришингизни сўрайман.

“ORANGE TEXTILE PROFI” МЧЖ раҳбари Алимов И. С.