Oraliq nazorat ishi. Tasviriy san’at mashg’ulotlarida zamonaviy pedagogik texnologiyalarni qo’llanishi

Oraliq nazorat ishi.
Tasviriy san’at mashg’ulotlarida zamonaviy pedagogik texnologiyalarni qo’llanishi.
Tasviriy san’at o‘qituvchisi zamonaviy pedagogik texnologiyalar va ilg‘or o‘qituvchilarning tajribalarini tinimsiz o‘rganib boradi. Bunda quyidagilar nazarda tutiladi: 1. Tashhis ta’lim asosida ish yuritish. 2. Texnika vositalaridan keng foydalanish. 3. Modulli o‘qitish metodini bilish. 4. Ta’lim jarayonida muammoli vaziyatlar hosil qilish, bolalarni ijodiy fikrlashga o‘rgatish. 5. Ta’limga individual va tabaqalashtirilgan holda yondashish. 6. Darslarni munozarali o‘yin va musobaqa tarzida o‘tkazish va boshqalar.

Ilg‘or tajribani o‘rganib, undan o‘z faoliyatida ayrim jihatlaridan foydalanish mumkin. Chunki, maktabni har bir sinfda olib borilayotgan ishlarning o‘ziga xos xususiyatlari bo‘ladi.

Tasviriy san’at o‘qituvchisi zamonaviy pedagogik texnologiyalardan foydalanishda, avvalo o‘z sohasini yaxshi bilishiga bog‘liq. Bunda quyidagilar nazarda tutiladi: -tasviriy, amaliy va me’morchilik san’atlarining tarixi va nazariyasini bilish; -o‘zbek san’atining milliy, badiiy an’analari yuzasidan chuqur bilimlarga ega bo‘lish; -tasviriy malaka va ko‘nikmalarga ega bo‘lish hamda uni muntazam takomillashtirib borish; -tasviriy san’atning pedagogik-psixologik asoslari haqida ma’lumotlarga ega bo‘lish; -tasviriy san’atni o‘qitish metodikasiga doir ilg‘or zamonaviy texnologiyalarni chuqur egallagan bo‘lish; -tasviriy, amaliy va me’morchilik san’atlarining biron bir janrlari bo‘yicha ijodiy ishlar bilan shug‘ullanish; -o‘quvchilarning tasviriy faoliyatiga doir tajriba-sinov, ilmiy-metodik ishlar bilan shug‘ullanish; -tasviriy san’atni o‘qitish metodikasiga doir tajribalarni muntazam o‘rganib borish; -tasviriy san’atni o‘qitish metodikasi, san’atshunoslikka doir adabiyotlarni va tadqiqot natijalarini muntazam o‘rganib borish; -maktabda o‘qitiladigan barcha fanlardan (ayniqsa, adabiyot, tarix, biologiya, chizmachilik, mehnat va b.) ta’lim mazmuni bilan tanish bo‘lishi kerak.

O‘rta maxsus kasb-hunar kollejlarda o‘quvchilarni san’atga o‘rgatishda ta’limning zamonaviy uslublaridan foydalanish muhim ahamiyat kasb etadi. Kasb-hunar kollejlarda amaliy san’at ta’limining yangi mazmunini shakllantirishning ilg‘or pedagogik texnologiyalari, zamonaviy o‘quv-uslubiy majmualar va o‘quv tarbiya jarayonining didaktik jihatlarini ta’minlash hozirgi kunning eng dolzarb masalalaridan biridir.

O‘quv jarayonidagi pedagogik texnologiya – bu aniq ketma-ketlikdagi yaxlit jarayon bo‘lib, u o‘quvchining ehtiyojidan kelib chiqqan holda bir maqsadga yo‘naltirilgan, oldindan puxta loyihalashtirilgan va kafolatlangan natija berishga qaratilgan pedagogik jarayondir.

Amaliy mashg‘ulotlarni o‘tishda noan’anaviy metodlarni qo‘llash, uning imkoniyatlaridan to‘g‘ri foydalanish har bir pedagog uchun mas’uliyatli vazifadir.

O‘qituvchi tomonidan har bir dars jarayoni loyihalashtirib olinishi kerak. Bunda o‘qituvchi darsni texnologik xaritasini tuzadi, chunki darsning texnologik xaritasi har bir mavzu, har bir dars uchun o‘qitilayotgan predmet, fanning xususiyatidan, o‘quvchilarning imkoniyati va ehtiyojidan kelib chiqqan holda tuziladi. Har bir darsning rang-barang, qiziqarli bo‘lishi avvaldan puxta o‘ylab tuzilgan darsning loyihalashtirilgan texnologik xaritasiga bog‘liq.

Misol tariqasida loyihalashtirilgan texnologik xaritasini tavsiya qilamiz.