O’quvchilarni kasb-hunarga yo’naltirish va psixologik-pedagogik respublika tashxis markazi

Maqsad. Guruhga tegishli bo’lgan buyumlarni va guruhda qabul qilingan qarorlarni qabul qilish qobiliyatini rivojlantirish
Mazmuni. Ishtirokchilar aylana shaklida ko’zlarini yumgan holda o’ng qo’llarini oldinga ko’tarib tik turadilar. Boshlovchining buyrug’i bilan hamma o’ng qo’lini harakatga keltirib, aylana markazi tomon harakat qiladilar. Bir-birlariga urilib ketgan paytlarida qo’llari o’zaro chirmashib qoladi. Keyin ishtirokchilar chap qo’llarini cho’zib sheriklarini qidirishga tushadilar. Boshlovchi har bir ishtirokchi ikkita qatnashuvchining qo’llarini ushlab turganliklarini nazorat qiladi. Ishtirokchilar qo’llarini qo’yib yubormasdan ko’zlarini ochadilar. Natijada quyidagi holatlarni kuzatish mumkin: aylana, bir nechta aylana va ikki kishi juftligi.
Mashq oxirida ishtirokchilar qo’llarining chigalini qanday yechganliklarini aytib beradilar: sinov xa xato usuli bilan, harakatlar natijasini oldindan aytib berishga harakat qildilar, tugunni yechishda bir kishining fikri inobatga olindimi yoki birgalikda harakat qilishdimi?
Boshlovchi uchun eslatma. Ishtirokchilar bir-birlariga ozor bermaslik haqida ogohlantirilishi kerak.
“Do’kon” mashqi
Maqsad. Tanlovni amalga oshirishda xilma-xillikdan foydalanish
Mazmuni. Ishtirokchilarga stol ustida turgan turli xil buyumlar taklif qilinadi. (bular kichik o’yinchoqlar, o’quv qurollari bo’lishi mumkin) Har bir ishtirokchi do’konga kelib o’ziga yoqqan buyumlarni tanlaydi. Tanlov so’nggida har bir ishtirokchi nima sababdan bu predmetni tanlaganini izohlaydi. Qaysi bir qiyinroq: tanlashmi yoki izohlash. Tanlovda ishtirokchilar nimaga ahamiyat berishdi: tanlangan buyum shunchaki yoqqani uchunmi yoki uning foydali xususiyatlari uchunmi?
Boshlovchi uchun eslatma. Ikkita ishtirokchi aynan bir xil buyumni tanlagan bo’lishlari mumkin, bahslashmasdan har kim shu buyumni nima uchun tanlaganini gapirib bersin.
“Mening tanlovim” mashqi
Maqsad: o’zini anglash qobiliyatini rivojlantirish
Mazmuni. Ishtirokchilarga yana do’konga kelib, turli buyumlarni emas, balki kelajakdagi kasblari yoki ijtimoiy mavqeni tanlash taklifi berildi. Boshlovchi ularning tanlovini kartochkalarga yozib oladigan sotuvchi sifatida ishtirok etadi va kartochkalarni haridorga beradi. Bir nechta kasbni tanlashga ruxsat beriladi. Ishtirokchilarning hammasi do’konga kirganidan keyin, o’zlarining tanlovlarini izohlab berishadi.
Boshlovchi quyidagi savollarni beradi: mazkur tanlov ular uchun qanchalik qiyin edi? Qaysi mezonlarga asoslanib bu kasbni tanlashdi: yuqori maosh, kasbni yoqtirish, ota-onaning istagi, o’zini shu kasbda sinab ko’rish, do’stidan ajralishni xohlamaslik va hokazo.