O’quv-uslubiy majmuaning tarkibi

IP-4 yoki IP-5 izolyatsiyalovchi protivogazlar quyidagi qismlardan iborat:

1) qat-qat buklanuvchi trubkali yuz qismi, 2) natriy peroksid to’ldirilgan regenerativ patron, 3) regenerativ patronning uyasiga o’rnatilgan va kushimcha gayka bilan mahkamlangan ishga tushiruvchi briket, hamda kislotali shisha ampuladan iborat ishga soluvchi moslama, 4) nafas olish uchun rezina qop, 5) dyuralalyuminiydan ishlangan karkas(g’ilof).

PDF-D, PDF-Sh-bolalar protivogazi bo’lib, quticha va yuzga tutiladigan qismi solingan xaltadan iborat.

PDF-D-1,5-7 yoshgacha bo’lgan bolalar uchun, PDF-Sh-7-17 yoshgacha bo’lgan bolalar uchun mo’ljallangan.

KZD – 6 bolalar himoya kamerasi bo’lib, 1,5 yoshgacha bo’lgan bolalar uchun qo’llaniladi. Zararlangan territoriyada ishlayotgan vaqtda protivogaz tasodifan buzilib qolishi mumkin. Agar maska yirtilgan bo’lsa, shu joy qo’l bilan maxkam berkitiladi. Maskaning yirtigi katta bo’lsa, ko’zoynak yoki nafas chikarish klapani shikastlansa, ko’z va burunni berkitgan holda quticha teshigiga og’izni qo’yib, og’izdan nafas olish kerak. Protivogaz har qanday shikastlanganda ham zararlangan zonadan tashkariga chiqish va shikastlanmagan (zonadan tashqariga chiqish) protivogaz bilan

almashtirilishi kerak.

Protivogazni ehtiyot qilish kerak; urilish, shikastlanishdan va qutichaning ichiga suv kirishidan saqlash kerak. Klapanlarning saqlanishi va holatini kuzatib turish kerak. Protivogaz uzoq muddat saqlanganda qutichaning tagidagi rezina probka bilan berkitiladi. Protivogazni zax joyda, isitish sistemasi yonida, kislotalar bilan birga ishqor va boshka bug’lanuvchi moddalar bilan birga saqlash mumkin emas.