O`quv-uslubiy majmua

Loyihalar metodi ta’limga konstruktiv yondashuvdir. O’quvchilar ochiq loyiha va topshiriqlar ustida ishlashadi. Faoliyat urg’usi o’quvchiga beriladi, o’qituvchi esa yordamchi rol(vazifa)ini bajaradi. Ushbu davomiy jarayonda o’quvchilar guruhi axborot manbalarini to’playdilar, shaxsiy loyihalari ustida ishlaydilar. Loyiha ishlanmasi o’quvchidan masalalar yechimini talab qilishi mumkin, lekin loyiha har doim ham muammoga yo’nalgan bo’lmaydi. Loyihalar tadqiqotga asoslanadi, lekin u har doim ham tadqiqotchilik ko’nikmasini shakllantirishni taqozo etmaydi.
Muammoga yo’naltirilgan ta’lim ham konstruktiv yondashuvga asoslangan ta’lim turidir. Bu ta’lim strategiyasi o’quvchilarni real amaliy muammolar yechimini izlashga jalb etadi. O’qituvchi murakkab aniq vaziyatga asoslangan muammoni taqdim etadi, tadqiqotlar metodini qo’llab yechimni ishlab chiqadilar. Loyihalar metodi va muammoga yo’naltirilgan ta’lim o’xshash bo’lsa-da, muammoli ta’lim texnologiyasi loyihalash metodining hamma komponentlarini qamrab olmaydi.
Toifalovchi(konseptual) grafik tashkilotchilar (Toifalash xaritalari o’quvchilarga o’quv jarayonidagi bir-biriga bog’liq bilimlar, fikrlarni qiyoslab namoyish etishga yordam beradi)
Venn diagrammasi o’quv talablari asosidagi fan doirasidagi ma’lumotlarni qiyoslash uchun qo’llaniladi. Venn diagrammasi 2 yoki 3 ta kesishuvchi doiralardan tashkil topgan. Doiralar kesishgan joyida o’xshash jihatlar, farqlar esa doiraning qolgan qismida yoziladi. O’quvchilar kki doiradan iborat oddiy diagrammalardan asta-sekinlik bilan 4ta doirali diagrammalarga o’tadilar. Ushbu diagrammadan o’quvchilar ishlagan loyiha jarayoni, natijalarini aks ettiruvchi taqdimot, hisobot, esselarning muhim tashkiliy qismi sifatida foydalanishadi. Venn diagrammasidan o’qituvchilar o’quvchilalarning bilimini baholashda, tezkor nazoratlarda foydalanishlari mumkin.
T-chizma. Toifalash xaritalarining yana bir turi T-chizmasidir. Bunday jadvallarda vizual tarzda o’quvchilar g’oyalarning ahamiyatli jihatlarini bir-biriga qarama-qarshi qo’yib tushuntiradilar. Masalan, ta’lim oluvchilar ijobiy va salbiy, kuchli va kuchsiz xususiyatlar, fikrlar va qarashlar,afzalliklar va kamchiliklar, muammo va yechimlar ro’yxatini keltirishlari mumkin. Venn diagrammasi kabi T-chizmasidan ham loyiha jarayoni, natijalarini aks ettiruvchi taqdimot, hisobot, esselarni taqdim etishda grafik tashkilotchi sifatida foydalaniladi.