O’quv-uslubiy majmua O’zbekiston Respublikasi Oliy va o’rta maxsus ta’lim vazirligining 2020 yil 14-avgustdagi № bd-5110100 02 bilan tasdiqlangan falsafa fanidan namunaviy dastur asosida ishlab chiqilgan

KICHIK TERMIN – sillogizmning kichik asosida joylashgan tushuncha bo’lib, u xulosaning sub’ekti bo’lib keladi.

KLASSIFIKASIYA– (lot. classis – turkum, facio - bajaraman) predmetlarni muhim belgilarga qarab turkumlash. Bunda predmetlar bir – biriga o’xshashligi va farqiga qarab sinflarga bo’linadi va joylashtiriladi. U tabiiy va sun’iy, ilmiy va yordamchiga bo’linadi.

KONSTRUKTIV MANTIQ – hozirgi zamon matematik mantig’ining oqimlaridan biridir. Bunda u voqelikni konstrukSiya qilish asosida o’rganadi.

KONTRAST – (franSuz contracte – keskin qarama - qarshilik) – biror narsa hodisa o’rtasidagi keskin farq, qarama – qarshilik.

KUZATISH – bevosita idrok qilish orqali narsa va hodisalarni qanday bo’lsa, shundayligicha tabiiy asosda o’rganish metodi. Kuzatish o’zining aktivligi, maqsadga qaratilganligi bilan oddiy idrokdan farq qiladi.

LEMMATIK XULOSA – (grek. lemma - taxmin) – shartli-ayiruvchi sillogizm.

LOGISIZM – mantiqning matematika uchun hal qiluvchi deb qarovchi oqimdir. U oqim tarafdorlari matematikani mantiq tushunchalari bilan izohlash mumkin deb qaraydilar. LogiSizm tarafdorlari mantiq bilan matematikani ikki fan deb emas, balki bir fanning rivojlanishidagi ikki bosqich deb qaraydilar. Ingliz faylasufi B. Rasel, nemis matematigi va faylasufi G. Fregelar uning asoschilaridir.

LOGOMAXIYA– (grek. logos – so’z, maxe - bahs) so’zning ma’nosini aniqlamasdan turib bahs yuritish. Terminlarning ma’nosini bilmasdan yoki aniqlamasdan turib bahs qilinganda ikki tomon ham haq bo’lib chiqishi mumkin. Chunki bahslashuvchi tomonlar bahs mavzusi uchun bir so’z ma’nosining boshqa – boshqa tomonlarini olgan bo’lishlari mumkin.

MANTIQ – (grek. logos – so’z, fikr, nutq, aql) tafakkur qonunlari va shakllari haqidagi fandir. Mantiqning predmeti tafakkurdir.