O’quv-uslubiy majmua O’zbekiston Respublikasi Oliy va o’rta maxsus ta’lim vazirligining 2020 yil 14-avgustdagi № bd-5110100 02 bilan tasdiqlangan falsafa fanidan namunaviy dastur asosida ishlab chiqilgan

Fanni o‘rganishning zaruriyati.
Bakalavriyat yo‘nalishida tahsil oluvchi talabalar falsafa, korrupsiya, dinshunoslikning metodologik tamoyillari; falsafiy bilim bazasida shakllangan umuminsoniy tafakkur taraqqiyotining tizimli qonuniyatlari ko‘nikmasini shakllantirish, refleksiv fikrlay olish, murakkab vaziyatlarda konstruktiv mantiqiy xulosa chiqara olish qobiliyatini hosil qilish, kasbiy yo‘nalganlikda falsafaning umummetodologik ko‘nikmalaridan foydalana olish xususiyatini tarbiyalay oladigan
blimlarga ega bo‘lishi zarur.
Fanning maqsadi – talabalarni zamonaviy fan yutuqlariga asoslangan falsafiy bilimlar bilan qurollantirish, talabalarga milliy va diniy qadriyatlarning tarixan mushtarakligi, ularning umuminsoniy qadriyatlar ila uyg‘unligini tushuntirish, ularda diniy bag‘rikenglik madaniyatini, dinga nisbatan to‘g‘ri yondashuvini shakllantirish va jamiyat uchun yuksak ma’naviyatli kadrlarni tarbiyalash hamda o‘z-o‘zini anglash va to‘g‘ri fikrlash ko‘nikma va malakasini shakllantirishdan iborat.
Fanning vazifalari - falsafiy bilimlar, qonunlar va kategoriyalarni o‘rganish orqali tizimli, kreativ fikrlash, hayotda o‘z o‘rnini topish;
- jamiyat hayotidagi ijtimoiy jarayonlarga falsafiy tafakkur nuqtai nazaridan yondashish, voqealarga shaxsiy, ijodiy tanqidiy baho berish;
- o‘z-o‘zini ma’naviy axloqiy, diniy tarbiyalash;
- jamiyatni demokratlashtirish va modernizatsiyalash jarayonida faol ishtirok etish hissini tarbiyalash.
“Falsafa” o‘quv fanini o‘zlashtirish jarayonida amalga oshiriladigan masalalar doirasida bakalavr:

• 
  - Falsafiy tafakkur xususiyati va qonuniyatlari, ularning jamiyat taraqqiyotiga ta’siri, mantiqiy tafakkur madaniyatining inson hayot va fikrlash tarzining takomillashtirishdagi roli va ahamiyati, Sharq va G‘arb falsafasining etakchi g‘oyalari, ilmiy va ma’naviy merosi, dunyoning yagonaligi qonuniyati va unda koinot hamda inson borlig‘ining aloqadorligi, kasbiy faoliyatda falsafaning metodologik ahamiyati, global jarayonlarda analitik va sintetik, mantiqiy tafakkurning roli, dinlarning dunyo xalqlari madaniyati, urf-odatlariga ta’siri, davlat va din munosabati, Markaziy Osiyoda tarqalgan dinlar tarixi, ta’limoti, muqaddas manbalari, yo‘nalishlari, jahonda mavjud bo‘lgan dinlarning mushtarak xususiyatlari, dinlardagi oqimlar va mazhablar, dunyoning konfessional manzarasi, din va qonun o‘zaro munosabatlari haqida;
  
• 
  tasavvurga ega bo‘lishi;
  
• 
  fanning predmeti, nazariy-metodologik asoslari, rivojlanish bosqichlari va uning jamiyat taraqqiyotida tutgan o‘rni, Qadimgi va O‘rta asrlar Sharq va G‘arb falsafasi, Yangi va Eng davr falsafasining xususiyatlari, ta’limot va g‘oyalari;
  
• 
  tabiat va jamiyatda yuz berayotgan jarayonlar falsafiy qonuniyatlari, tafakkur va borliq, substansiya va materiya muammosi, makon va vaqt, tabiat falsafasi va ekologiyasi, energiya, inson borlig‘i;
  

FANNING TAQVIM-MAVZU REJASI