O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Sekstet — olti ijrochidan iborat bo‘lgan musiqachilar ansambli.
Sekunda — o‘zida ikki bosqichni aks ettirgan interval. U agar bir tondan iborat bo‘lsa katta sekunda, yarim tondan iborat bo‘lsa kichik sekunda deb aytiladi. Katta sekunda - kat.2.; kichik sekunda - kich.2 bilan belgilanadi.
Sekundakkord — septimasi pastda joylashgan uchinchi aylanma, 2 raqami bilan belgilanadi.
Septakkord — tersiyalar orasida joylashgan, to‘rt tovushdan biorat bo‘lgan akkord.
Septet — etti ijrochidan iborat musiqachilar ansambli.
Septima — o‘zida etti bosqichni aks ettirgan interval. U agar besh yarim tondan iborat bo‘lsa katta septima, besh tondan iborat bo‘lsa kichik septima deb aytiladi. Katta septima - kat.7.; kichik septima - kich.7. bilan belgilanadi.
Septakkordlarning aylanmasi — asosiy septakkordning pastki tovushi tersiya, kvinta yoki septima bo‘lsa shunday ataladi.
Simfoniya — ko‘p qismlardan (ko‘pincha to‘rt qismdan) iborat bo‘lgan, orkestrda ijro etiladigan musiqa asari.
Sinkopa — taktdagi kuchli hissaning kuchsiz hissa bilan almashinishi.
Skerso — hazil, jonli xarakterdagi musiqa asari. Skerso mustaqil yoki biron yirik musiqa asarining qismi (parchasi) bo‘lishi mumkin.
Skripka kaliti — birinchi oktava sol notasi nota yo‘lining ikkinchi chizig‘ida shartli joylashganligini ko‘rsatuvchi belgi.
Solo — asar (yoki asarning bir qismi) ning bir xonanda yoki sozanda tomonidan ijro etilishi.
Solfedjio — musiqiy eshitish qobiliyatini rivojlantirishga ko‘maklashuvchi maxsus mashg‘ulotlar.
Sonata — bir necha qismdan iborat yirik musiqa asari, uning bir (odatda birinchi) qismi murakkab, o‘ziga xos shaklga egak bo‘ladi va sonata allegrosi deb aytiladi.
Sonata allegrosi — uch asosiy qismdan iborat bo‘lgan musiqa asari shakli: 1) ekspozitsiya, ya’ni mavzu materialining bayoni; 2) razrabotka, unda dastlabki mavzu yanada rivojlantiriladi; 3) repriza, asosiy mavzuning qayta bayon etilishi (takrorlanishi).