O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

1.Tashkiliy qism. Talabalarning mashg’ulotga tayyorgarligi tekshiriladi va topshiriqlarni bajarishga ruhiy yo’l-yo’riq beriladi.
2.Kirish instruktaj (yo’llanmasi). Bunda talabalarga mashg’ulot mavzusi ma’lum etilib, bajariladigan topshiriqlarning umumiy mazmuni bayon qilinadi. Asarning murakkab qismlariga asosiy e’tibor qaratiladi. shuningdek, topshiriqlarni bajarishda yo’l qo’yilgan kamchiliklarni bartaraf etish. Ayni bir vaqtda yozma instruktsiya (asar taxlili)dan foydalanish metodikasi tushuntiriladi va topshiriqlarni bajarish davomida olinadigan natijalarni yozma ravishda qayd etish shakli ko’rsatiladi.
talabalar dirijyorlikdan laboratoriya mashg’ulotlarning maqsadi, talabalarni mashg’ulotlar davomidagi ijro malakasini rivojlantirish va asar taxlili (asar mualliflari va asarhaqida) haqida ma’lumot oladilar. Bunda talabalarning o’quv faoliyati dirijyorlik fanini laboratoriya o’quv-tadqiqot faoliyati bilan qo’shib olib borilishi aytib o’tish zarur.
3.Joriy instruktaj, asosan, auditoriyadagi mashg’ulotlarda o’tkaziladi. Bunda o’qituvchi talabalar topshiriqlarni qanday bajarayotganliklarini nazorat qiladi.Topshiriqlarni bajarish va olinayotgan natijalarni qayd etishning to’g’riligini (bexatoligini) tekshiradi, talabalarning savollariga javob qaytaradi yoki ularga savollar beradi.
4.Yakunlovchi instruktajni munozara yoki suhbat tarzida o’tkazish o’rinlidir. Bunda laboratoriya topshiriqlarni bajarish natijalari muhokama etiladi. Talabalar u yoki bu masalalar bo’yicha o’z mulohazalarini aytadilar hamda dalil-isbotlar keltiradilar.
Shunday qilib, laboratoriya mashg’ulotlarni samarali o’tkazish uchun:
-topshiriq mavzusi bo’yicha nazariy material talabalar bilimini tekshirishni ta’minlashi zarur;
-talabalarga beriladigan asarlar, akademik guruh tayyorgarligi darajasida bo’lishi kerak;
-talabalarni yozma instruktsiya (yo’llanma) bilan ta’minlash lozim;
-talabalar ijro etadigan va taxlil etadigan asarlar aniq-ravshan bo’lishi kerak;
-talabalarni pedagogik ilmiy - tadqiqot uslublari bilan qurollantirish zarur;
-mashg’ulotni puxta tashkil etish, talabalarning ijro maxorati faoliyatlarini rag’batlantirish kerak.
Dirijyorlikdan laboratoriya mashg’ulotlarda o’qituvchining boshlang’ich kasbiy ko’nikmalarini egallash samarasini belgilovchi mezonlar quyidagilardan iborat: Dirijyorlik adabiyoti bilan ishlay olish; maktab repertuariga aloqador qo’shimcha adabiyotlar to’plash va ularni nazariy jihatdan talqin etish; o’qituvchilarning ish tajribasining tahlilini bilish, baholash; pedagogik tafakkur ko’nikmalariga ega bo’lish; maktab repertuari mashqlarini ijodiy ravishda taxlil eta olish va asarlarni notadan o’qiy olish; pedagogning kasb faoliyatiga qiziqish va moyillikning mavjudligini ta’minlash.