O‘quv-uslubiy boshqarma tomonidan ro‘yxatga olindi

I. O‘QUV FANINING DOLZARBLIGI VA OLIY KASBIY TA’LIMDAGI O‘RNI

Har qanday xo‘jalik yurituvchi subyektlar faoliyati va ularning moliyaviy operatsiyalari bevosita turli risklar bilan bog‘liq va O‘zbekiston Respublikasida iqtisodiyotni liberallashtirish sharoitida mamlakat moliya tizimini isloh qilish, iqtisodiyot sohalarida sodir bo’ladigan moliyaviy munosabatlardagi dolzarb muammolarni aniqlash va tahlil qilish dolzarb masalalardan biri hisoblanadi. Davlat, korxona va tashkilotlar, tijorat banklari, sug‘urta kompaniyalar faoliyatida bir - birlari bilan iqtisodiy aloqalar o‘rnatish vaqtida vujudga keladigan risklar darajasi muhim rol o‘ynaydi. Shu sababli xo‘jalik yurituvchi subyektlar biron bir subyekt bilan iqtisodiy aloqa o‘rnatishdan oldin eng avvalo bu subyekt faoliyatidagi riskli holatlarni o‘rganishga intiladi. Shuningdek, O‘zbekiston Respublikasini rivojlantirishning ustuvor vazifalarini bajarish, iqtisodiyotni barqaror va mutanosib rivojlantirish, jahon bozorlarida mustahkam o‘rin egallash, shular asosida izchil iqtisodiy o‘sishni ta’minlash, aholining hayot darajasi va farovonligini yanada oshirish borasidagi vazifalarni to‘liq va samarali amalga oshirish sharoitida moliya mexanizmlarini puxta o‘rganish har qachongidan ham muhimdirdir. “Moliya” fanini ushbu modullarini chuqur o‘rganish xo‘jalik yurituvchi subyektlarning faoliyatida vujudga keladigan risklarni aniqlash, tahlil qilish va to‘g‘ri qarorlar qabul qilishda hamda moliya nazariyasining dolzarb muammolari, soliq islohotlarining asosiy yo’nalishlari, davlat byudjeti xarajatlari ijrosining dolzarb muammolari, byudjet siyosati va barcha darajadagi byudjetlar barqarorligini ta’minlashning dolzarb muammolari, davlatning iqtisodiy-ijtimoiy rivojlanish dasturlarini moliyaviy ta’minlashda muhim rol o‘ynaydi. Shuning uchun ushbu ishichi o‘quv dasturi “Moliya” fanining o‘rganishda muhim sanaladi.