O‘quv-seminar dasturi

I. KIRISH 

 

O‘zbekiston  Prezidentining  2021-yilga  bag‘ishlangan  Oliy  Majlisga  va  xalqqa 

murojaatnomasida 2021/2022-o‘quv yilidan boshlab: 

•  oliy  ta’lim  muassasalariga  kirish  imtihonlarida  eng  yuqori  ball  to‘plagan 200 

nafar  yoshlarga  Prezident  granti ajratilishi,  oliy  ta’lim  muassasalariga  kirish 

imtihonlari natijalarini aks ettiruvchi yagona elektron reyestrning shakllantirilishi; 

•  oliy  ta’lim  muassasasida ikki  va  undan  ortiq  farzandi  shartnoma  asosida 

o‘qiyotgan oilalarga imtiyozli ta’lim kreditini berish; 

•  oliy ta’limga ajratiladigan davlat grantlari soni – 25 foizga, ehtiyojmand oilalar 

farzandi bo‘lgan xotin-qizlar uchun davlat grantlari soni – 2 baravarga oshirilishi; 

•  xususiy  oliy  ta’lim  muassasalarida  mutaxassislarni  tayyorlashga  davlat  granti 

berish tizimi joriy etilishi ta’kidlandi. 

Bu esa, oliy ta’lim muassasalariga kirish test sinovlarini yanada adolatli, xolis va 

shaffof  o‘tkazish  orqali  puxta  bilimli  yoshlarning  o‘qishga  qabul  qilinishini 

ta’minlashni talab etadi.    

Zero, ryespublikamiz oliy ta’lim muassasalariga iqtidorli yoshlarni tanlab olish, 

ularga  zamonaviy  talablar  asosida  ta’lim  berish  bugungi  kunning  asosiy 

masalalaridan biridir. 

Mamlakatimizda  kadrlar  tayyorlash  tizimini  yanada  takomillashtirish, 

iqtisodiyot  va  ijtimoiy  soha  tarmoqlarini  yuqori  malakali  mutaxassislar  bilan 

ta’minlash  uchun  abituriyentlarni  oliy  ta’lim  muassasalarining  bakalavriatiga 

o‘qishga qabul qilish bo‘yicha o‘tkaziladigan kirish test sinovlarini takomillashtirish, 

uning  adolatli,  xolis  va  shaffof  o‘tkazilishini  tashkil  etish  maqsadida  bir  qator 

hukumat qarorlari qabul qilingan.  

O‘zbekiston 

Respublikasi 

Prezidentining 

“Respublika 

oliy 

ta’lim 

muassasalarining  bakalavriatiga  kirish  test  sinovlarini  o‘tkazish  tartibini 

takomillashtirish  to‘g‘risida”  2017-yil  16-noyabrdagi  PQ-3389-son,  “Oliy  ta’lim 

muassasalariga  test  sinovlari  orqali  qabul  qilish  tizimini  takomillashtirish  bo‘yicha 

qo‘shimcha chora-tadbirlar to‘g‘risida” 2019-yil  14-maydagi PQ-4319-son qarorlari, 

Vazirlar  Mahkamasining  “Oliy  ta’lim  muassasalariga  o‘qishga  qabul  qilish  tartibini 

yanada  takomillashtirish  to‘g‘risida”  2018-yil  3-apreldagi  261-son  qarori  shular 

jumlasidandir. 

O‘quv-seminar  dasturi  “O‘zbekiston  Respublikasi  oliy  ta’lim  muassasalarining 

bakalavriatiga  o‘qishga  qabul  qilish  uchun  kirish  test  sinovlarini  o‘tkazish  tartibi 

to‘g‘risida”gi  Nizom  talablarini  to‘laqonli  bajarilishini  ta’minlashga  hamda  test 

sinovlari jarayonini xolis va ochiq o‘tishini kafolatlashga qaratilgan.  

Bunda test sinovlarini tashkil etish va nazoratini ta’minlashga mas’ul xodimlarni 

tanlab olish va puxta tayyorlash muhim ahamiyat kasb etadi.