UMUMKASBIY FANLAR
1.01. ONA TILI VA ADABIYOT
KIRISH
Mazkur fan dasturi umumiy tilshunoslik fani haqida qisqacha ma’lumot, o’zbek tili leksikologiyasi,
frazeologiyasi,
leksikografiyasi, hozirgi o’zbek adabiy tilining lug’at tarkibi, fonetik tizimi, grafikasi,
orfografiyasi,
orfoepiyasi, grammatik qurilishi, morfologiyasi,
sintaksisi, punktuatsiyasi, o’zbek tili
uslublari haqidagi ma’lumotlarni qamrab olgan.
Fanning maqsad va vazifalari
Fanning asosiy maqsadi
- bo’lajak o’qituvchilariga ona tili va adabiyotning fonetik xususiyatlari,
talaffuz me’yorlari, lug’at (leksik) boyligi, imlo qoidalari va grammatik qurilishi yuzasidan nazariy bilim
berish, tinglovchilarning og’zaki va yozma nutqini o’stirish va savodxonligini oshirish, takomillashtirish
(bunda lotin yozuviga asoslangan imloni ham o’zlashtira borish) yuzasidan amaliy malaka hosil qilishdir.
Fanning vazifasi
– ona tilining barcha bo’limlari yuzsasidan tinglovchilarga nazariy bilimlar berish
va amaliyotda qo’llashga o’rgatish. Ona tilining davlat tili maqomini olishi hamda “Ta’lim to’g’risida” gi
qonun materiallariga tayanish bilan bog’liq bo’lgan o’zgartishlar etkazish.
Fan bo’yicha tinglovchilarning bilimi, ko’nikma va malakalariga qo’yiladigan talablar
Tinglovchilar ona tili fanini o’zlashtirish jarayonida quyidagilarni:
- tilning ijtimoiy mohiyati va uning tarkibiy qismlarini, dunyo tillarining tasnifini, o’zbek tilining
qaysi til oilasiiga va turkumiga kirishini;nutq a’zolarini, o’zbek tiliga
xos unli va undosh tovushlarni,
bo’g’in va urg’uni, tovush o’zgarishlarini, o’zbek tili grafikasini, imlo va talaffuz qoidalarini;
hozirgi
o’zbek adabiy tilining lug’at tarkibini, ma’no ko’chish usullarini, so’zlarning shakl va ma’no xususiyatga
ko’ra turlarini, faol va nofaol, o’z va o’zlashgan qatlamni, o’zbek tili frazeologiyasini, milliy til tarkibiga
kirgan guruhlarni (sheva, atama, eskirgan va yangi so’zlarni, jargon va argolarni, uyadosh va olinma
so’zlarni); o’zbek tilidagi so’z yasalish usullarini, morfemik tarkibni, mustaqil va yordamchi so’zlarni,
modal, undov va taqlid so’zlarni; o’zbek tilidagi so’z
birikmasi sintaksisini, gap sintaksisisini, matn
sintaksisini; o’zbek tili tinish belgilari tizimini, nutq uslublarini, uslubiyat turlarini
bilishi kerak:
Mazkur kursni o’rganish jarayonida tinglovchi quyidagi:
-
unli va undosh tovushlarni tasniflay bilish; so’zlarni bo’ g’inlarga ajrata bilish va urg’ularini to’g’ri
qo’ya olish; o’zlashtirilgan qoidalarga asoslangan holda ma’nosi ko’zchgan so’zlarning ma’nolarini,
omonim, sinonim, antonim va paronimlik xususiyatlariga ega bo’lgan so’zlarning ma’nolarini, atama,
sheva, eskirgan va yangi so’zlarning ma’nolarini izohlay bilish; gap ichidagi yasama so’zlarni
aniqlay
bilish; so’z turkumlarining xususiyatlarini farqlay olish; gap tarkibidagi so’z birikmalari va gap
bo’laklarini
aniqlay bilish; tinish belgilarining qo’yilish sabablarini anglay olish; muayyan gaplarning
qaysi uslubga tegishli ekanligini farqlay olish