O‘quv qo‘llanma

YOlg‘onning mumkin emasligi. YOlg‘onning mumkin emasligini kafolatlovchi vositalar uzatuvchi va qabul qiluvchining axborotlar uzatilganligi haqiqat ekanligidan tonishlariga imkon bermasligi kerak. SHunday qilib, agar axborot ishonchli uzatuvchi tomonidan yuborilgan bo‘lsa, qabul qiluvchi axborot xuddi shu uzatuvchi tomonidan yuborilganligini isbot qilish imkoniyatiga ega bo‘lishi zarur.
Resurslardan foydalanuvchanlik. Buzilishlarning ko‘pgina xillari resurslardan foydalanuvchanlikni yo‘qolishiga yoki ulardan foydalanishning qiyinlashishiga olib keladi. Bunda ba’zi hollarda autentifikatsiya va shifrlash kabi avtomatlashtirilgan qarshi choralar samara bersa, ba’zi hollarda buzilishlarni oldini olish yoki tizim foydalanuvchanligini tiklash uchun ma’lum fizikaviy harakatlar talab qilinadi.
Foydalanuvchanlikni boshqarish. Foydalanuvchanlikni boshqarish deganda aloqa kanallari orqali tarmoq uzellaridan, ilovalardan foydalanishni chegaralash va nazorat qilish imkoniyati tushuniladi. Bunday nazoratda har bir ob’ekt o‘zining vakolat doirasiga ega bo‘lganligi sababli ob’ektlarning resurslardan foydalanishga urinishlarining har birida ob’ektlarni identifikatsiyalash imkoniyati mavjud bo‘lishi kerak.
YUqoridagi fikrlarni tahlil etib, axborot xavfsizligi nuktai nazaridan axborotni quyidagicha turkumlash mumkin:
• maxfiylik — aniq bir axborotga faqat tegishli shaxslar doirasigina kirishi mumkinligi, ya’ni foydalanilishi qonuniy hujjatlarga muvofiq saklab qo‘yilib, hujjatlashtirilganligi kafolati. Bu bandning buzilishi o‘g‘irlik yoki axborotni oshkor qilish deyiladi;
• konfidensiallik - ishonchliligi, tarqatilishi mumkin emasligi, mahfiyligi kafolati;
• yaxlitlik — axborot boshlang‘ich ko‘rinishda ekanligi, ya’ni uni saklash va uzatishda ruhsat etilmagan o‘zgarishlar kilinmaganligi kafolati; bu bandning buzilishi axborotni soxtalashtirish deyiladi;
• autentifikatsiya — axborot zahirasi egasi deb e’lon qilingan shaxc hakiqatan ham axborotning egasi ekanligiga beriladigan kafolat; bu bandning buzilishi xabar muallifini soxtalashtirish deyiladi;
• apellyasiya qilishlik — etarlicha murakkab kategoriya, lekin elektron biznesda keng qo‘llaniladi. Kerak bo‘lganda xabarning muallifi kimligini isbotlash mumkinligi kafolati.