O’quv materiallari

О‘zbekiston Respublikasining

Bosh vaziri SH.Mirziyoyev

Madaniyat va aholi dam olish markazlari tо‘g‘risida

N i z o m

I. Umumiy qoidalar

1. Ushbu Nizom boshqa madaniyat muassasalari bilan о‘zaro hamkorlik qilib О‘zbekiston Respublikasida madaniy hayotning kо‘p qirraligini ta’minlashga da’vat etilgan madaniyat va aholi dam olish markazlari (keyingi о‘rinlarda Markaz deb ataladi) faoliyatini tashkil etish va ularning ishlashi tartibini belgilaydi.

2. Aholining madaniy ehtiyojlarini о‘rganish hamda madaniy-ma’rifiy va kо‘ngilochar xususiyatga ega bо‘lgan xilma-xil xizmatlar kо‘rsatish, havaskorlik, badiiy ijod va amaliy san’at bilan shug‘ullanuvchilar uchun shart-sharoitlar yaratish Markazning asosiy faoliyati hisoblanadi.

3. Markaz о‘z faoliyatida О‘zbekiston Respublikasi Konstitusiyasiga, qonunlariga, О‘zbekiston Respublikasi Oliy Majlisi palatalarining qarorlariga, О‘zbekiston Respublikasi Prezidentining farmonlari, qarorlari va farmoyishlariga, О‘zbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga, Madaniyat va sport ishlari vazirligining buyruqlari va metodik kо‘rsatmalariga hamda ushbu Nizomga amal qiladi.

4. Markaz davlat muassasasi shaklidagi, turli yо‘nalishlar, shakllar, turlar va janrlardagi madaniy-ijodiy, ma’rifiy va dam olish faoliyatini qо‘llab-quvvatlash va rivojlantirishni ta’minlaydigan yuridik shaxs hisoblanadi.

Markaz mahalliy davlat hokimiyatining tegishli organlarida davlat rо‘yxatidan о‘tadi.

5. Markazlar:

I tipda – xizmat kо‘rsatiladigan aholi soni 40 ming nafardan ortiq bо‘lgan va kamida 400 о‘rindiqli tomosha zaliga ega bо‘lgan holda shaharlarda va tumanning ma’muriy markazlarida;

II tipda – xizmat kо‘rsatiladigan aholi soni 20 ming nafardan ortiq bо‘lgan va о‘rindiqlar soni 250 tani tashkil etadigan tomosha zaliga ega bо‘lgan holda shaharlarda va tuman markazlarida;

III tipda – xizmat kо‘rsatiladigan aholi soni 7 mingdan ortiq bо‘lgan va о‘rindiqlar soni 150 tani tashkil etadigan tomosha zaliga ega bо‘lgan holda shaharlarda va tuman markazlarida tashkil etilishi mumkin.

Shaharlarda va tuman markazlarida xizmat kо‘rsatiladigan aholi sonidan kelib chiqib I, II va III tipdagi markazlar, qishloq joylarda esa – faqat II va III tipdagi markazlar tashkil etilishi mumkin.