O’quv materiallar mavzu: Ijtimoiy ishda etikani ahamiyati (4 soat) Reja

Билишга оид фукция. Ахлоқий онг дунёни яхшилик ва ёмонлик категорияларида акс эттиради ва шу орқали бўлиб ўтаётган воқеликни баҳолайди. Бу дунёни борича объектив илмий тадқиқ этилиши эмас, бу воқеа ҳодисалар мазмунини инсоний нуқтаи назардан талқин қилинишидир. Дунё ва инсонларга ахлоқ жиҳатидан назар солиш уларнинг истиқболини баҳолаш, уларнинг ва ўзининг ҳаёти мазмуни тўғрисида тўлиқ тасаввурга эга бўлиш имконини беради.
Тарбиявий функция. Ахлоқий тарбия доимо бошқа тарбия турлари асоси ҳисобланган. Ахлоқийлик нафақат қоидаларга амал қилишни, балки юксак мақсадлар ва идеал нормаларга амал қилиш қобилиятини тарбиялайди. Бундай қобилиятга эга бўлган инсон муайян хулқ атвор йўлини танлаши билан бирга, уни доимо ривожлантириши, мукаммаллаштириб бориши мумкин бўлади. Ахлоқ одоби юксак шахсда мавжуд фазилатлар унинг рисоладагидек ўзини тутиши ва қадриятлардан келиб чиқиб, ўз автономиясини сақлаган ҳолда иш кўриши туфайли келиб чиқади.
Ахлоқ функцияларини ажратиш ва уларни алоҳида таҳлил қилиш шартли равишда амалга ошириладиган вазифа. Сабаби, улар доимо бир-бири билан яқин боғлиқликда бўлади. Ахлоқ бир вақтнинг ўзида тартибга солади, тарбиялайди, йўналтиради ва ҳоказо. Ахлоқнинг инсон турмушига таъсири айнан функциялар яхлитлигида ўзига хос тарзда намоён бўлади.
Ахлоқнинг таркибий-функционал таҳлили унинг нақадар мураккаб тузилишга эга эканлигини тушуниш имконини беради ва бу жараён ахлоқ одобга оид ҳаётни ўз ўзидан аниқ равшан ҳодиса сифатида қабул қилинишига йўл қўймайди.