O’quv loyihalari texnologiyalari

Asadullayeva Nargiza
O’quv loyihalari texnologiyalari
Loyihalash- ta’lim berish jarayoni tashkil etish va uning muvaffaqiyatli kechishini ta’minlovchi muhim shartlardan biridir. Loyihalar predmet va uning yo’nalishga ko’ra bir-biridan farqlanadi. Loyihalarda pedagog tomonidan ketma-ket amalga oshiriluvchi va tashxisning qo’yilishi bilan yakunlovchi tahliliy faoliyat: oldindan ko’ra bilish va loyihalash kabi ijodiy faoliyatlar namoyon bo’ladi. Ta’lim jarayonini loyihalash- o’qituvchi kasbiy faoliyatining ko’rinishi bo’lib, o’qituvchining ta’lim jarayonining texnologik tuzilma, uning natijasini ta’minlovchi metod va vositalar yig’indisi bilan tavsiflanadi. Loyihalash mahsuli ta’lim jarayonining loyihasi sanaladi.
Ta’lim jarayonini loyihalash qonuniyatlari.Ta’lim jarayonini loyihalash samaradorligi barcha tarkibiy qismlar ya’ni texnologik boshqaruv, vosita, axborot, ijtimoiy-psixologik muhitning loyihada maqsadga muvofiq yoritilishi asosida ta’minlanadi;
Ta’limning texnologik vositalari o’quvchilarning individual xususiyatlariga bog’liq holda tanlanadi;
Loyihalash strategiyalari o’qituvchining individual uslubiga muvofiq tanlanadi;Loyihalash sifati teskari aloqa ya’ni o’qituvchi va o’quvchi o’rtasidagi ko’lami, loyihalash mazmuni, shuningdek barcha omillar samaradorligiga bog’liq.

Ta’lim jarayonini texnologiyalashtirish 5 bosqichdan iborat bo’lib ular quyidagilar:
1. Loyihani yaratish.
2. O’quvchilar faoliyatini tashxislash.
3. Pedagogik jarayonni tashkil etish.
4. Pedagogik jarayonni samarali kechishini ta’minlash.
5. O’quvchilar faoliyatini nazorat qilish.