Oqsil va oqsil-energetik taqchillik (yetishmovchilik sabablari, oqibatlari va oldini olish yo‘llari)

III BOB. OLINGAN NATIJALAR VA ULARNING TAHLILI.

 

 

3.1. Qo‘llanilgan   usullar va yig‘ilgan    materiallar. 

Tekshiriluvchilarning  kunlik  iste’mol  taomlari  tarkibidagi  hayvon  va 

o‘simlik oqsillarining miqdori qay darajada ekanligini aniqlash uchun tekshirishlar 

maxsus anketa-so‘rov usulida olib borildi (11). 

 

Anketa-so‘rov  usuli  o‘zining  tezkorligi,  analiz  qilish  va  taqqoslash  hamda 

taomlarning  tarkibini  aniqlash  imkoniyatlari  kengligi  bilan  boshqa  usullardan 

ajralib turadi. 

 

Ovqatlanish statusini anketa-so‘rov usulida o‘rganishda tekshiriluvchilarning 

yoshi,  jinsi,  jismoniy  rivojlanishi,  taraqqiyoti  va  salomatligi  jihatdan  bir-biriga 

yaqin turishi alohida ahamiyat kasb etadi. 

 

Anketa-so‘rov  usulining  samaradorligi  tekshiriluvchilarning  soniga  hamda 

yashash sharoitiga bog‘liq bo‘ladi. 

 

Bu  usul  asosida  maxsus  tayyorlangan  anketalar  to‘ldiriladi  (1-ilova). 

Anketaga  ovqatlanish  haqida  ma'lumotlar,  sutkalik  energiya  sarfi    va 

tekshiriluvchining ovqatlanishi holati haqidagi ma'lumotlar kiritiladi. 

Kuzatuvlar  davomida  tekshiriluvchilarning  ovqatlanishi  va  antropometrik 

ko‘rsatkichlari  haqida  ma'lumotlar  olindi.  Bunda  har  bir  tekshiriluvchining, 

jumladan  big‘cha  tarbiyalanuvchilarning  bog‘chada  va  uyida  qabul  qilgan  kunlik 

ratsioni  tarkibi  va  uning  asosida  qabul  qilingan  hayvon  va  o‘simlik  oqsillarining 

miqdori aniqlanib, guruhlar uchun o‘rtacha raqamlar hisoblab topildi. 

Belgilangan  guruhlarda  olib  borilgan  tekshirishlar  natijalari  tekshiriluvchilar 

organizmining  oqsillarga  bo‘lgan  talabining  qondirilishi  turlicha  ekanligini 

ko‘rsatdi.