|
Kutilayotgan natija
Dars yakunida o'quvchilar Vatanning o'tmishi, uning buyuk shaxslari haqidagi tushunchaga ega bo'ladilar. To'g'ri, ifodali o'qish malakalari takomillashadi.
Darsning borishi.
T/R
|
Bo’limlar
|
Vaqti
|
1
|
Tashkiliy qism
|
3 daqiqa
|
2
|
O`tgan mavzuni mustahkamlash
|
5 daqiqa
|
3
|
Yangi mavzu bayoni
|
15 daqiqa
|
4
|
Yangi mavzuni mustahkamlash
|
10 daqiqa
|
5
|
O`quvchilarni rag`batlantirish. Darsni yakunlash.
|
10 daqiqa
|
6
|
Uyga vazifa
|
2 daqiqa
|
Jami
|
45 daqiqa
|
I.Tashkiliy qism
II. O’tgan mavzuni so’rash va mustahkamlash
Otgan mavzu savollar yordamida mustahkamlanadi.
III.Yangi mavzu bayoni.
Muallif haqida: 1953 yilning iyunida Qashqadaryo viloyati Yakkabogʻ tumanining Qishliq qishlogʻida tugʻilgan. 1982 yilda hozirgi OʻzMUning jurnalistika fakultetini tugatgan.
1987 yilda ilk hikoyalar toʻplami – “Zangori koʻl” chop etilgan. Shundan soʻng “Unutilgan qoʻshiq” (1990), “Yuzma-yuz” (1993), “Sariq gul” (1996), “Paxmoq” (1997), “Temur gʻori” (1999), “Arazchi chumchuq” (1999), “Bekatdagi oq uycha” (2000), “Ovul oralagan boʻri” (2005), “Joʻshqin daryo” (2005), “Boʻron qoʻpgan kun” (2007) hikoya va qissalardan iborat toʻplamlari va “Dashtu dalalarda” (2009) romani bosildi.
Adibning “Quyoshi botmaydigan yurt”, “Shim yoxud xotinlar janjali”, “Belbogʻ” kabi asarlari asosida koʻp qismli videofilmlar yaratilgan. Bir qancha hikoya va qissalari rus, qozoq, belarus, qirgʻiz, tatar, arab, turk, xitoy va boshqa tillarga tarjima qilingan.
N. Norqobilov “Oʻzbekiston Respublikasida xizmat koʻrsatgan madaniyat xodimi” unvoni hamda “Shuhrat” medali bilan taqdirlangan.
XARITA
Normurod Norqobil
Matematikani demasa, Rasul boshqa fanlardan xiyla nochor o‘qirdi. Ayniqsa, rasm darsini jini suymasdi. Qizlar kashta tikkanday, allaqanday gullar-u jismlarning
shaklini erinmay chizib o‘tirishga sira toqati yo‘q edi. Shuning uchun ham sinf rahbari uni eng a’lochi o‘quvchilardan Samadga biriktirib qo‘ygandi.
Ammo u akasi uyda kezlardagina Samadning izmiga bo‘ysunar, ya’ni tinchgina darsini qilar, qolgan payt Samadni kurashga tortib, torgina darsxonaning changini chiqarardi. Shu bois, Samad har gal istar-istamas ostona hatlardi. Ammo bu safar u hovliqib kirib keldi.
Qo‘lidagi papkasini bir chetga uloqtirib, qo‘ynidan to‘rt
buklangan qog‘oz chiqardi.
— Qara, nimani chizdim, — dedi hayajonlanib. —
Qishlog‘imiz xaritasini... Manavi yerga chegarachilarni qo‘ydim. Qalay, zo‘rmi?
— Shuning nimasiga hovliqasan buncha? — dedi
Rasul hayron bo‘lib. — Oddiy rasm-da.
— Hali bizda hech kim qishlog‘imiz xaritasini chizmagan, — dedi Samad qizishib. — Buni birinchi bo‘lib men chizdim. Sen yaxshilab qaragin, juda qiziq bu.
Manavinisi o‘zimiz yozda cho‘miladigan ko‘l, bunisi podayotoq... Katta ko‘cha sal qiyshiq chiqibdi. Bunisi maktab, shifoxona... Lekin o‘zimizning hovlini juda o‘xshatib chizdim.
Rasulga egri-bugri chiziqlar bo‘ylab borayotgan chegarachilar, ulardan ham ko‘ra iti ko‘proq ma’qul bo‘ldiRasul ostonaga yaqin joyda xumday boshini oyoqlari ustiga qo‘yib yotgan itiga g‘amgin tikildi. Itining holi yo‘qligiga juda achindi. Lekin sir boy bermaslikka
urinib, chegarachilarga imo qildi:
— Unda manavilar kim?
— Oldindagisi men, keyindagisi sen. Qishlog‘imizniqo‘riqlayapmiz. Qiziq bo‘lsin deb chizdim-da.
— Qishloqni nimadan qo‘riqlaymiz? — Rasul hayron bo‘ldi.
— Nimadan bo‘lardi... — Samad javob topolmay,
bir muddat chaynalib qoldi. — Nimadan bo‘lardi, bo‘rilardan-da. O‘tgan qish qo‘ylarimizni qiyratib ketishgani esingdan chiqdimi?
— Unda buni chegarachi emas, qorovul deydilar.
— Nima farqi bor, — Samad tumshayib, rasmga qo‘l cho‘zarkan, birdan yuzi yorishib ketdi. — Aytgancha, muallimimizning gapi esingdami? U kishi qishlog‘imizning o‘zi bir Vatan, kichik Vatan, degandilar. Vatanni qorovul emas, chegarachi qo‘riqlaydi.
Bu gap dastlab o‘zining xayoliga kelmaganidan Rasul ichida o‘zidan qattiq ranjidi. Shunda u birdan ikkinchi chegarachiga nisbatan birinchisi xiyla durust chizilganini payqab qoldi.
— Ikkinchisi emas, birinchisi men, — dedi u.
— Yo‘q, birinchisi men.
— Meni bukriga o‘xshatib qo‘yibsan-ku!
— Hecham-da, — Samad qog‘ozni buklab qo‘yniga
soldi. — O‘zing chizolmaysan, chizganni ko‘rolmaysan. Bu gap Rasulga ayilday botdi.
— Chizolmaymanmi?
— Chizolmaysan! — dedi Samad tap tortmay. — Bu senga shunchaki rasm emas, xarita. Xarita chizishuchun kalla kerak. Hammaning ham qo‘lidan kelavermaydi bu.
— Chizolmaymanmi?
— Yo‘q chizolmaysan!
Ularning tortishuvi Samadning arazlab ketishi bilan yakunlandi
IV. Yangi mavzuni mustahkamlash.
1. Samadning qishlog‘i xaritasini chizishining sababi nimada deb o‘ylaysiz?
2. Bolalarning tortishib qolishi sababini izohlang.
3. Vatan nima uchun onaga qiyos qilinib «onaVatan» deyiladi?
V.O`quvchilarni rag`batlantirish.Darsni yakunlash
V. VI.Uyga vazifa: Qayta hikoyalash
O`IBDO`:__________________________
4-sinflar uchun O‘qish fanidan 2020-2021 o`quv yili 1-chorakka mo`ljallangan Respublika ta`lim markazi rejasi asosidagi QISQARTIRILGAN DARSLARGA MOS ishlanma.Barchasi yangi 2020- yilgi nashrdagi kitobdan tayyorlangan hech qanday kamchiliklari yo`q nazorat ishlari va mualliflar haqida ma`lumotlar berilgan boshqa konspektlarga aldanib qolmang ularning namunasining o`zidayoq kamchiliklari namoyon bo`lib turibdi. Eng ishonchli variantdagi konspektni to`liq hajmda yuklab olish uchun
Bizda boshqa boshlang`ich sinf va fanlardan ham konspektlar mavjud!
Biz bilan bo‘glanish
Telegram: https://t.me/lider_admin ga murojaat qiling yoki +998990052244 raqami qo`ng`iroq qiling
Telegram kanalimiz: https://t.me/uzkonspekt
Do'stlaringiz bilan baham: |
