O‘qitishning interaktiv”Kuchsiz zveno” usullari uchun savollar

Касалликнинг одамлардаги патогенези. Уреаплазмалар туфайли юзага келган уретритлар (НГУ) каби кам белгилар билан кечади. Шунинг учун инкубацион даврини белгилаш ҳам мушкул. Беморларнинг маълум бир қисмида (4–5%) уреаплазмали уретритдаги яллиғланиш жараёнининг клиник кўриниши сўзакдагига ўхшаб кетади. Касаллик бундай кечганида инкубацион даври 3–5 кунга тенг бўлади. Аммо аксарият ҳолларда микоплазмали уретритлар ўртача ўткир ёки сурункали кечиб, инкубацион даври 30–40 кунга сурилиб кетиши мумкин. Урагенитал уреаплазмозни оғир – енгиллигига қараб енгил, ўртача оғир ва оғир хилларга ажратилади. Енгил шаклига ногонококк уретрит, аёллар сийдик-таносил аъзолари қуйи қисмининг яллиғланиши; ўртача оғир шаклига аёлларда кичик чаноқ аъзоларининг ўртача ўткир ва сурункали яллиғланиши, эркакларда простатит, орхоэпидидимит, везикулит; оғир шаклига эса аборт ватуғруқдан кейинги кичик чаноқ аъзоларидаги кучайиб борадиган ўзгаришлар киради. Касаллик муддатини аниқлаш худди сўзак ва трихомониазларга ўхшаш, яъни икки ойгача янги, кейин эса сурункали деб юритилади.
Сурункали яллиғланиш жараёни кўп ўчоғлилиги ва узоқ давом этиши билан характерланади. Сурункали уреаплазмозга чалинган аёлларнинг кўпчилигида бачадон найи, тухумдонларнинг яллиғланиши кузатилади.
Лаборатория ташҳиси. Ҳозирги вақтда U. urealyticum ни лабараторияда патологик материаллардан аниқлаш учун, асосан, қорамол юраги гидролизати билан козеин гидролизатдан иборат В.В.Делекторский ва И. Жалагания (1983) муҳити ишлатилади.
Ўзбекистонда, асосан, қуён гўшти экстрактидан тайёрланган “ЭД-1” озиқ муҳитидан кенг фойдаланилади (Э.Эшбоев, А.Давуров муҳити, 2000 йил).
Даволаш. U.urealyticum нинг пенициллин қатори препаратларига чидамли эканлиги эътиборга олинади. Асосан, эритромицин, тетрациклин, рокситро-мицин лек ва фторхинолонлар буюрилади.
Олдини олиш таносил касалликларига чалинган беморлардаги каби олиб борилади.