Oqilxon Sharafiddinov -“Alifbe” asoschisi

Oqilxon Sharafiddinov -“Alifbe” asoschisi

Biz istiqbolga intilar ekanmiz hamisha kechagi kundagi yaxshi an`analarga ahamiyat qaratmog`imiz , xalq maorifi, ta`lim – tarbiya rivojiga hissa qo`shgan fidoyi siymolarni xotirlashimiz lozim.Yaqinda boshlang`ich sinflarning ilk kitobi “Alifbe” ning yaratuvchilaridan biri Oqilxon Sharafiddinovning tavalludiga 124 yil to`ladi. 1938 yildan boshlab 1998 yilgacha hatto XXI asr boshida ham Oqilxon Sharafiddinov “Alifbe” si chop etildi. Ustoz ham lotin ham kirill yozuvida “Alifbe” ni tuzdi. Kamida ikki avlod o`zbek yigit qizlari Oqilxon Sharafiddinovning “Alifbe” si asosida savodli o`qimishli bo`ldilar. Uning “Alifbe”sida muallimning e`tiqodi, hayotiy falsafasi , intellektuallik darajasi aks etgan. Bu “Alifbe” tuzilganda televideniya, kompyuter yo`q edi. Ustoz o`z o`quvchilariga hayotiy tajribani, zarur narsalarni o`rgatgan. Oqilxon Sharafiddinov “Alifbe” yozar ekan, shon-shuhratni xayoliga keltirmagan. Ustoz “Alifbe”laridagi matnlardan millat ruhi ufurib turar edi. Ustoz “Alifbe” lari misoli o`zbek bolalari qalbiga moslab tikilgan pishiq puxta kiyim edi.Oqilxon Sharafiddinov 1898 yil 7-mart Toshkent shahrida tug`ildi. Dastlab Toshkentdagi eski maktablardan birida, keyinchalik Xoja Axror madrasasida tahsil ko`rgan. 1917 yilga qadar yangi usul maktablarida, 1918 yildan Toshkent uyezdining To`ytepa qishlog`ida maktab ochib muallimlik qilgan. 1921 yildan Toshkentdagi 19 maktabda, 1924 yildan 1970 yilgacha 14-maktabda boshlang`ich sinflarga dars bergan.”Bilim va maktab”, “Mehnat bolalari”, “Kattalar alifbosi”, “Chiroyli yozuv”, “O`qish kitobi” kabi darslik, o`quv qo`llanmalari muallifi. Oqilxon Sharafiddinov- o`zbek pedagogi. Mehnat qahramoni (1968). O`zbekistonga xizmat ko`rsatgan o`qituvchi(1936).Toshkent shahridagi 129-maktab Oqilxon Sharafiddinov nomiga qo`yilgan.

Men yaqinda “Alifbe” asoschisi Oqilxon Sharafiddinovning tavallud kunlari ekanligini eslab, u kishini xotirlab seminar o`tkazishga qaror qildim. Zero ustoz yoqqan chiroq hanuzgaha porillab yonib turibdi, xotirasi esa minglab qalblarda yashab kelmoqda.

Buxoro shahar 4-IDUM
boshlang`ich sinf o`qituvchisi Tuxsanova Binafsha Ubaydulloyevna