Oqilona tashqi siyosat-tinchlik garovi! Yurtboshimiz Shavkat Mirziyoyevning tashabbusi bilan 15−16 iyul kunlari Toshkent shahrida «Markaziy va Janubiy Osiyo: mintaqaviy bog‘liqlik. Tahdidlar va imkoniyatlar»

Oqilona tashqi siyosat-tinchlik garovi!

Yurtboshimiz Shavkat Mirziyoyevning tashabbusi bilan 15−16 iyul kunlari Toshkent shahrida «Markaziy va Janubiy Osiyo: mintaqaviy bog‘liqlik. Tahdidlar va imkoniyatlar» mavzusidagi xalqaro konferensiya bo‘lib o‘tmoqda. Forumning asosiy maqsadi Markaziy va Janubiy Osiyo davlatlari o‘rtasidagi tarixan yaqin va do‘stona aloqalarni, ishonch va yaxshi qo‘shnichilikni ikki mintaqa xalqlari va mamlakatlari manfaatlari yo‘lida mustahkamlashdan iborat.

Konferensiya ishida O‘zbekiston prezidenti, Afg‘oniston Islom Respublikasi prezidenti, Pokiston Islom Respublikasi bosh vaziri, Markaziy va Janubiy Osiyo mamlakatlari, boshqa xorijiy davlatlarning tashqi ishlar vazirlari va yuqori darajadagi vakillari, nufuzli xalqaro va mintaqaviy tashkilotlar, global moliyaviy institut va kompaniyalar, yetakchi ilmiy-tadqiqot va tahliliy markazlarning rahbarlari ishtirok etishi rejalashtirilgan.

Xususan Konferensiya doirasidagi ushrashuvlarning birida Shavkat Mirziyoyev va Pokiston bosh vaziri Imron Xon o’rtasida tor va kengaytirilgan tartibda muzokaralar o’tkazildi. Ushbu muzokaralar yakunida Prezident Shavkat Mirziyoyev va bosh vazir Imron Xon O‘zbekiston bilan Pokiston o‘rtasida strategik sheriklik aloqalarini o‘rnatish to‘g‘risidagi qo‘shma deklaratsiyani imzoladi.

Tashrif doirasida imzolangan 8 ta hujjat almashildi. Tranzit va savdo to‘g‘risidagi hamda Ishbilarmon doiralar vakillari va sayyohlik guruhlari uchun viza tartiblarini soddalashtirish to‘g‘risida hukumatlararo bitimlar ular orasida alohida ahamiyatga ega.

Xulosa qilib shuni aytishimiz mumkinki, yurtboshimiz olib borayotgan tashqi siyosat boshqa davlatlar bilan o’zaro aloqalarni va munosabatni yaxshilabgina qolmasdan davlatimizning rivojlanishiga hamda eng asosiysi tinch bo’lishiga bevosita xizmat qila oladi.