Operatsion tizimlar «Informatika va Axborot texnologiyalari»

Faylni tez tanlash. Faylni tez tanlash uchun Alt tugmachasini bosing va uni qo‘yib yubormay turib, zarur fayl nomining birinchi harfini bosish mumkin.

Bu harflar panelning pastdagi raqamga chiqariladi. Siz faylning nomini tashkil qiluvchi harflarning yetarlicha miqdorini kiritganingizdan so‘ng Norton Commander darhol zarur faylni ajratadi. Nomi xuddi shu harflardan boshlanuvchi boshqa faylni ajratish uchun Ctrl+Enter. Qaytadan tanlamoqchi bo‘lsangiz Esc tugmachasini bosing.

Enter tugmachasini bosish paytidagi harakatlar

Norton Commanderdan foydalanishda Enter tugmachasini bosgandagi harakati ekranning pastdagi buyruq qatorida nimadir bor yo‘qligiga bog‘liqdir.

Agar buyruq qatori bo‘sh bo‘lmasa, unda Enter tugmachasi bosilganida qatordagi mavjud bo‘lgan buyruq bajariladi. Bu buyruq xuddi DOS taklifiga javoban kiritilgandek bajariladi.
Agarda buyruq qatori hech qanday simvollarga ega bo‘lmasa, unda Norton Commanderning harakatlari panelida faylning yoki katalog nomining qaysi biri alohida ajratib ko‘rsatilganiga bog‘liq bo‘ladi:

• agar katalogning nomi ajratib ko‘rsatilgan bo‘lsa, unda Enter tugmachasi bosilganida Norton Commander bu katalogga kiradi va uning mundarijasiga chiqaradi;

• agar arxiv faylining (ZIP, ARJ, ARC, LZH, PAK va ZOO kengaytmali faylning) nomi ajratib ko‘rsatilgan bo‘lsa va ikkala panelda diskdagi katalog boblarining nomlari tasvirlangan bo‘lsa, unda Norton Commander panelga ajratilgan arxiv fayl boblarining nomlarini chiqaradi;

• boshqa hollarda Norton Commanderning Enter tugmachasi bosilgandagi harakatlari ajratib ko‘rsatilgan faylning kengaytmasiga bog‘liq. Masalan:

COM, EXE, BAT - bu faylning bajarilishini bildiradi;

DOC - bu faylni tahrir qilish uchun Microsoft Wordga kiriladi;

PAS - Turbo-Poskal chaqiriladi;

C - Turbo - C chaqiriladi;

ZIP - arxivning boblarining nomlari chiqariladi.

"Enter" tugmachasini bosganda shu kengaytmali fayl uchun bajariladigan harakatlar NC.EXT fayli bilan beriladi. Bu fayl Norton Commander yoki istalgan boshqa matn muharriri tomonidan tahrir qilinishi mumkin. NC.EXT fayli yo‘q bo‘lganida va NC.EXT faylida eslab o‘tilmagan kengaytmali fayllar bo‘lmagan hollarda hech qanday harakat bajarilmaydi.

Axborot paneli

Norton Commander paneliga boshqa paneldagi disk va katalog haqidagi yig‘ma axborotni chiqarish mumkin. Axborot panelini ekranga chiqarish Ctrl+L tugmachasini bosish bilan amalga oshiriladi. Bunda joriy bo‘lmagan panel axborot paneliga aylanadi. Bu panelda yana katalogning mundarijasi tasvirlanishi uchun yana Ctrl+L tugmachasini bosish kerak.