Operatsion tizimlar «Informatika va Axborot texnologiyalari»

Fayllarni fon rejimida chop etish.

Print dasturi fayllarni bosmaga chiqaradi. Chop etish paytida kompyuterda istalgan boshqa ishni bajarish mumkin, ya'ni bosish "fon" rejimida boradi. Alohida sahifalarni bosish o‘rtasida to‘xtashlar bo‘lmaydi, shuning uchun printer uzluksiz qog‘oz tasmasi yoki qog‘ozning alohida varaqlarini avtomatik tarzda yetkazib turuvchi uskuna bilan ta’minlangan bo‘lishi kerak.

Buyruqning formati: print fayl nomi.

Bunda fayl chop etish uchun navbatga qo‘yiladi. Print dasturining birinchi chaqirilishida ekranda ushbu xabar paydo bo‘ladi: Name of list device (PRN);

(Bosish uskunasining nomi, xususiy holda - PRN).

Bu xabarga javoban fayllar chop etiladigan uskunaning nomini kiritish lozim. Agar darhol “Enter” tugmachasi bosilsa, fayllar PRN uskunasida (LPT1 portiga ulangan printerda) bosiladi.

Agar fonli bosishni bekor qilish talab etilsa: *print/t buyrug‘ini kiritish kerak. Bunda printerda All files cancelled by operator (Hamma fayllar operator tomonidan chiqarib tashlangan) xabari bosib chqariladi.

Parametrlarsiz Print buyrug‘i chop etishni kutayotgan fayllarning ro‘yxatini chiqaradi. Agar bunday fayllar bo‘lmasa, ekranga Print queue is empty (bosilishni kutayotgan fayllar navbati bo‘sh) xabarini chiqaradi.

Misollar:

Print file.lst – file.lst faylini chop etish uchun navbatga qo‘yadi.

Print/t - fonli bosishni bekor qiladi.

Eslatma (mulohazalar). Ayrim dasturlar, masalan, hujjatlarning muharrirlari yoki Windowsning qobig‘i fonli bosish uchun o‘z vositalariga ega. Bu dasturlar bilan ishlaganda, odatda, Print buyrug‘idan foydalanmasdan, ularga o‘rnatilgan fonli chop etish uskunalaridan foydalanish maqsadga muvofiqdir.

Disklar bilan ishlash