Operatsion tizimlar «Informatika va Axborot texnologiyalari»

Buyruqlarni ishga tushirish va bajarish

Foydalanuvchi kiritadigan har bir buyruq DOSning yo ichki, yo tashqi yoki boshqa dasturlarning yo bo‘lmasa, buyruq fayllarining buyrug‘ini bajarish zarurligini ko‘rsatadi.

DOSning ichki yoki tashqi buyrug‘ini bajarish uchun bu buyruqning nomini va uning parametrlarini kiritish zarur.

Bajarilayotgan dasturni izlash. Foydalanuvchi DOSning ichki buyruqlariga mansub bo‘lmagan holatni kiritganda, buyruq protsessori buyruqda ko‘rsatilgan nomli dasturni izlaydi. Izlash quyidagi kengaytmali fayllar orasida olib boriladi:

COM - dasturiy fayllar;

EXE - dasturiy fayllar (boshqa formatda);

BAT - paketli buyruq fayllar.

Izlash bu kengaytmalar sanab o‘tilgan tartibda amalga oshiriladi. Agar foydalanuvchi dasturni qaysi katalogdan izlash kerakligini ko‘rsatmagan bo‘lsa, izlash joriy katalogda va DOS Path buyrug‘i bergan kataloglardan izlaydi.

Agar zarur dastur bu kataloglardan topilmasa, unda ekranga "Bad command or file name" chiqariladi.

Masalan, agar foydalanuvchi PROG buyrug‘ini kiritgan bo‘lsa, unda buyruq protsessori joriy katalogdan va DOS Path buyrug‘i bergan kataloglardan PROG.COM yoki PROG.EXE, yo bo‘lmasa, PROG.BAT nomli faylni izlaydi. Agar topilgan fayl COM yoki EXE kengaytmali bo‘lsa, unda buyruq protsessori bu faylning xotirasiga yuklashni bajaradi va ushbu fayl o‘z ishini bajarishi mumkin bo‘lishi uchun boshqaruvchi unga topshiriladi. Agar topilgan fayl BAT kengaytmali bo‘lsa, ya’ni buyruq fayli bo‘lsa, bu holda u matn fayli formatida (ASCII kodida) xuddi klaviaturadan kiritilayotganidek bajarilishi kerak bo‘lgan buyruqlar izchilligiga ega bo‘ladi.