Operatsion tizimlar «Informatika va Axborot texnologiyalari»

Norton Commanderning ishlashi uchun nima kerak?

Norton Commander dasturi uchun tezkor xotirasi 512 K baytli va diskida kamida 329 K bayt bo‘lgan kompyuter zarur. Bu minimal talablardir, ular Norton Commander "Yadrosi" bilan ishlash imkonini ta’minlaydilar.

Bundan tashqari, Norton Commanderga 35 xildagi fayllarni ko‘rib chiqish uchun qo‘llaniladigan dasturlar ham mavjud. Ular umumiy miqdorda maydonning 1145 Kbaytini egallaydi. Siz ulardan faqat mavjud fayllarni ko‘rib chiqish uchun keraklarini olib qolishingiz mumkin. Masalan, agar turli xildagi matn muharrirlari yordamida tayyorlangan hujjatlarnigina ko‘rib chiqish talab qilinganida diskda 56 Kbayt bo‘lishi zarur bo‘ladi, xolos.

Norton Commander bilan birgalikda, shuningdek, komp’yuterlar o‘rtasida model (Terminal) bo‘yicha aloqani yo‘lga qo‘yish va qo‘llab turish uchun dastur yetkazib beradi. U diskda 364 K baytni egallaydi. Ushbu kitobda bu dastur ko‘rib chiqilmaydi. Norton Commanderning imkoniyatlari Norton Commander turli xildagi vazifalarining katta miqdorini bajarishga imkon beradi, jumladan:

• diskdagi katalogning mazmunini ko‘rgazmali tasvirlash;

• diskda kataloglar daraxtini kerakli katalogga ushbu daraxtdagi uni ko‘rsatuvchi belgi yordamida o‘tish imkoniyati bilan ko‘rsatish, shuningdek, kataloglar tuzish, ularni qayta nomlash va o‘chirib tashlash;

• fayllardan qulay usulda nusxa olish, qayta nomlash, boshqa joyga yuborish, o‘chirib tashlash;

• turli xil matn muharrirlari yordamida tayyorlangan hujjatlarni, matn fayllarini, grafik fayllarni, jadval protsessorlarining jadvallarini va ma’lumotlar bazalarini ko‘rib chiqish;

• matn fayllarini tahrir qilish;

• DOSning har qanday buyrug‘ini bajarish;

• fayllarning belgilari (atributlari)ni o‘zgartirish;

• tugmachani bitta bosish yordamida har bir tipdagi fayl uchun standart harakatlarni bajarish;

• .... va boshqa ko‘pgina imkoniyatlar mavjud.