Операцион тизимлар, уларнинг турлари

бир масалали ва кўп масалали;

бир фойдаланувчили ва кўп фойдаланувчили.

Бир масалали операцион системалар фойдаланувчига бир вақтнинг ўзида компьютерда фақат битта амалий вазифани ҳал этишга имкон беради. Аниқроқ айтадиган бўлсак, бундай системалар, одатда, битта дастурни асосий тартибда ва яна битта қўшимча дастурни асосий дастур таркибида ишга тушириш имкониятини беради. Масалан, асосий тартибда матн процессорини, қўшимча сифатида чоп этиш дастурини ишга тушириш мумкин.
Кўп масалали операцион системалар бир вақтнинг ўзида бир неча дастурни ишга тушириш имкониятини беради. Бу дастурлар бир-бирларига монелик қилмаган ҳолда параллел ишлайдилар. Масалан, бир дастур одам билан шахмат ўйнаши, иккинчиси модем орқали бошқа компьютерлардаги ахборотларни текшириши, учинчиси мусиқа эшиттириши мумкин.
Бир масалалик операцион системалар содда, ихчам ва кичик ресурсли компьютерларда ишлатилган, лекин улар кўп масалалик операцион системаларга ишлаш қулайлиги нуқтайи назаридан ютқаздилар ва шунинг учун ҳам, улар тез амалиётдан олиб ташланди.
Бир фойдаланувчили операцион системалар компьютерда фақат бир кишининг ишлашига имкон беради. Бу ҳолда, албатта, бир неча фойдаланувчи компьютердаги ахборотлардан фойдаланиш учун навбат билан ишлаши мумкин ва барча ахборот ҳамма фойдаланувчи учун очиқ бўлади.
Кўп фойдаланувчили операцион системаларда ҳар бир фой­даланувчи умумий ахборотлардан ва паролини киритиб фақат ўзига тегишли бўлган шахсий ахборотлардан фойдаланиши мумкин. Баъзи кўп фойдаланувчилик операцион системалар (масалан, UNIX) бир вақтнинг ўзида бир компьютерда бир неча фойдаланувчи ишлашига имконият беради.
Ҳар қандай операцион системадан қуйидаги сифатларнинг бўлиши талаб этилади:

1. 
   Ишончлилик. Система ўзи бошқараётган компьютер қурилмалари каби ишончли бўлиши керак. Агар дастурда ёки қурилмада бирор хато учраса, уни система топа олиши ва бу хатони тузатишга ҳаракат қилиши, ҳеч болмаганда, шу хато туфайли фойдаланувчи дастурига етказиладиган зараминг олдини олиши керак.
   
2.