Қонунчилик ҳужжатлари билан аҳоли ва тадбиркорлик субъектларига берилган имтиёз ва преференциялар р ў й Х а т и

Ўзбекистон Республикаси Президентининг қарорлари

1.	Ўзбекистон Республикаси Президентининг 2005 йил 4 мартдаги ПҚ–20-сон “Зулфия номидаги давлат мукофоти билан тақдирлаш тўғрисида”ги қарори	1. Ўзбекистон хотин-қизлар қўмитаси ҳузуридаги Зулфия номидаги Давлат мукофоти комиссиясининг таклифларига биноан, аъло хулқи, ўқишдаги муваффақиятлари, ташаббускорлиги билан ноёб истеъдодини намоён этаётган ҳамда адабиёт, санъат, маданият, таълим ва фан соҳаларидаги алоҳида ютуқлари учун Қорақалпоғистон Республикаси, вилоятлар ва Тошкент шаҳрининг иқтидорли қизлари Зулфия номидаги Давлат мукофоти билан тақдирлансин (рўйхат илова* қилинади).	Жисмоний шахслар
		3. Ўзбекистон Республикаси Молия вазирлиги Зулфия номидаги Давлат мукофоти совриндорларининг ҳар бирига энг кам ойлик иш ҳақининг 50 баравари миқдорида пул мукофоти берилишини таъминласин.	Жисмоний шахслар
2.	Ўзбекистон Республикаси Президентининг 2005 йил 30 майдаги ПҚ–112-сон “Ўзбекистон Республикаси Қуролли кучларининг ҳарбий хизматчиларини ижтимоий муҳофаза қилишни таъминлаш борасидаги қўшимча чора-тадбирлар тўғрисида”ги қарори	1. 2005 йилнинг 1 июлидан бошлаб Ўзбекистон Республикаси Қуролли Кучларининг контракт бўйича хизмат қилаётган, амалдаги сарф-харажатлар (коммунал хизматлар ҳақи бундан мустасно) доирасида тураржой билан таъминланмаган оддий аскар, сержант ва офицер таркиблари ҳарбий хизматчиларига тураржойни ижарага олганлик (ижарада турганлик) учун: Тошкент шаҳрида — базавий ҳисоблаш миқдорининг тўрт бараваригача миқдорда; Нукус шаҳри ва вилоят марказларида — базавий ҳисоблаш миқдорининг уч бараваригача миқдорда; Ўзбекистон Республикасининг бошқа шаҳарлари, туман марказлари ва аҳоли пунктларида — базавий ҳисоблаш миқдорининг икки бараваригача миқдорда ҳар ойлик пул компенсацияси тўловлари белгилансин. Оила аъзолари уч киши ва ундан ортиқ бўлган тақдирда ҳарбий хизматчиларнинг ушбу пул компенсацияси миқдорлари 50 фоизга оширилади.	Жисмоний шахслар (ҳарбийлар)