Ona tili va adabiyot o‘quv – uslubiy majmua samarqand – 2019 Qayta tayyorlov kursi yo‘nalishi

Glossariy
SO'Z BIRIKMASI — ikki yoki unadan ortiq mustaqil so'zlarning birikmasi: ishchilar shaharchasi, maktab hovlisi kabi.
GAP – kishilarning bir-biriga fikr, axborot uzatish uchun ishlatiladigan asosiy birlik bo’lib, fikr ifodalashning eng oddiy va tipik ko’rinishidir.
SINTAKTIK ALOQA — so'z birikmalari va gaplarda so'zlarni o'zaro bog'lash uchun xizmat qiluvchi aloqa.
MOSLASHUV ALOQASI — so'zlarni biriktirishda ularning turli shakl-larini moslashtirishi: Ahmadning kitobi kabi.
ERGASHTIRUV ALOQASI — bir so'zning ikkinchi so'zga bog'liqligini ko'rsatuvchi aloqa. Bunda hokim so'z va tobe so'z farqlanadi: quvnoq (tobe) qo'shiq (hokim) kabi.
BOSHQARUV ALOQASI — hokim so'z tobe so'zning ma'lum shaklda bo'lishini talab qiluvchi aloqa: kitob o'qimoq, dars tayyorlamoq.


Mavzu yuzasidan test topshiriqlari
1. Gaplarning qurilish xususiyatlari tilshunoslikning qaysi bo‘limida o‘rganiladi?
A) leksikologiyada B) fonetikada C) morfologiyada D) sintaksisda
2. So‘zlarning o‘zaro biriktirish qonun-qoidalari tilshunoslikning qaysi bo‘limida o‘rganiladi?
A) morfologiyada B) leksikologiyada C) fonetikada D) sintaksisda
3. Tilning birliklari to‘g‘ri ko‘rsatilgan qatorni toping.
A) tovush, so‘z, so‘z birikmasi, B) tovush, qo‘shimcha, so‘z C) tovush, gap, qo‘shma gap D) gap, so‘z birikmasi, so‘z, tovush, qo‘shimcha
4. Qaysi qatordagi gapda tilning birliklari to‘liq ishtirok etmagan?
A) Katta sement ko‘prik ustidan mashinalar tinimsiz o‘tib turibdi. B) Hozir soat o‘n bir. C) Anvar do‘stining gap boshlaganidan quvonib ketdi. D) Seni hurmat qilaman.
5. Har qanday til o‘zining nutq tovushlari, so‘zlari, (iboralar) qo‘shimchalaridagi imkoniyatlarini qaysi bo‘limda namoyon qiladi?
A) morfologiya B) morfologiya, leksikologiya, sintaksis C) leksikologiya D) sintaksis
6. So‘z birikmalari va gaplar qaysi xususiyatlariga ko‘ra farqlanadi?
A) ifoda mazmuniga ko‘ra B) tuzilishiga ko‘ra C) grammatik asoslar miqdoriga ko‘ra D) o‘z qurilishi va ifoda mazmuniga ko‘ra