Ona tili 7-sinf

Республика Маънавият ва маърифат марказига:
халқимизнинг маънавий қадриятлари, маданияти ва урф-одатларини, бой меросимизнинг ҳаётимиздаги ўрни ва аҳамиятини ҳамда одоб-ахлоқ, ҳалоллик, поклик, садоқат ва фидойиликни чуқур сингдиришга қаратилган давра суҳбатларини ташкил этиш.
Ўзбекистон ёшлар иттифоқига:
маданий-маърифий ва ҳуқуқий тарғибот ҳамда ижтимоий-иқтисодий йўналишлар бўйича етук соҳа мутахассисларини таклиф қилган ҳолда ёшлар ва ҳарбий хизматчилар қалбида Ватан тақдирига юксак дахлдорлик, шижоат ва фидойилик туйғуларини шакллантиришга, спорт-саломатлик масалаларига қаратилган оммавий тадбирларни ташкил этиш.
“Нуроний” жамғармаси, Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгашига:
авлодлар ворислигини сақлаш, Ватанга муҳаббат ва кексаларга эъзоз, ҳарбий хизматга ҳурмат туйғуларини шакллантириш, халқимизнинг кўп асрлик анъаналарини қадрлашга даъват этиш, ҳарбий хизматчилар оилаларида инсонпарварлик, меҳр-оқибат, яхши қўшничилик ва ўзаро ҳурмат муносабатларини шакллантириш.
Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитасига:
суҳбатлар ва учрашувлар орқали ҳарбий хизматчиларга ислом динининг асл мазмун-моҳиятини етказиш, диний саводхонликни ошириш, диний бағрикенглик, миллатлараро тотувлик ғояларини тарғиб қилиш ҳамда ёт ғояларга қарши танқидий қараш ва мафкуравий иммунитетларини кучайтириш, ҳушёрлик ва огоҳлик каби туйғуларни мустаҳкамлаш.


Ўзбекистон Ёзувчилар уюшмасига:
мумтоз ва замонавий адабиётимизнинг энг сара намуналари мазмун-моҳиятини тушунтириш, китобхонлик маданиятини ошириш ҳамда ватанпарварлик, мардлик, фахр ва ифтихор туйғуларини мустаҳкамлашга қаратилган ижодий учрашувлар, суҳбатлар ва машғулотлар ўтказиб бориш.
“Ватанпарвар” МКТ, Ўзбекистон Республикаси Жисмоний тарбия ва спорт вазирлигига:
ҳарбий касбни танлаш ва соҳа йўналишини мукаммал ўзлаштириш, ҳарбий техник воситалардан самарали фойдаланиш ҳамда спорт билан мунтазам шуғулланиш, жисмоний ва маънавий комилликка интилиш, фаол ҳаётий позиция эга етук мутахассисларни тарбиялашга йўналтирилган машғулотлар, мусобақалар ва амалий тадбирларни ташкил этиб бориш.