O'mirden alg'an ta'sirlerim

O'mirden alg'an ta'sirlerim
Ha'r bir basip o'tken jolimiz tariyxqa aylanip baraberedi.Keshegi ku'n biraz
aldin bolg'an waqiyalar ha'mme ha'mmesi tariyx.Ha'r jili tuwilg'an ku'nim kelgende
qattig'a quwanaman,quwanip turip oylanipta qalaman,sonda men da'rriw ko'zdi
aship jumg'ansha o'tip ketken ja'ne bir jilim ushin shadliqqa tolip atirmanba dep.
Sol ta'rizde o'tken bir jilimnin' esabin bere baslayman o'zime.Esap beredi
ekenmen ko'p waqitim biykarshi ishler menen o'tip ketken boladi eken solardi
oylap bazida o'zimnin' terime siymay ketken waqitlarim az bolg'an emes.
Waqit o'tedi eken o'mir bizge ko'plegen sinaqlari quwanishlari menen
ko'plegen sabaqlarin o'zimiz bilmegen halda bizlerge u'yretip qoyadi.
Jaqsi-jamanlardi ko'reberip ko'zlerimiz pisip ketedi.Bazida jaqsilardan jaqsiliq
ko'rip quwanamiz,bazida jamanlardan pa'nt jep awzimiz ku'yedi.
Jillardin' izin jillar quwip waqit o'teberedi.Meni bolsa ha'miyshe bir soraw
qiynap keledi.Bul o'mirimdi mazmunli o'tkerip atirmanba?Insa'n o'mirge bir ma'rte
keledi.Usi bir ma'rtelik berilgen o'mirden paydalaniw bizlerdin' qolimizda.Waqit
shapqir at kibi,qalay o'tip ketkenin bilmey qalasan'.
Keshe g'ana erkelep ju'rgen jas balalar edik.Mine bu'gin ja'miyettin'
qaysidur tarawin rawajlandiratug'in kadrlarg'a aylanip kelmektemiz.Insa'n o'miri
dawaminda onin' o'sip o'niwi onin' islep atirg'an a'mellerine baylanisli ekenin
tu'sinip jettim.
Awirip to'sek tarqan eaqitta g'ana densawlig'imizdin' qa'dirin bilemiz.Og'an
deyin bolsa bizge ziyan bolg'an a'detlerdide heshnarse qilmaydig'o dep islep
ju'reberemiz.
Ko'p na'rseni kesh tu'sinip jetemiz.
Biz tu'singen waqitta waqit o'tip ketken boladi.Son' a'ttegenay dep qol siltep
qoyamiz.
Aldimizdan shiqqan ha'r bir insa'n menen,ha'r bir waqiya menen sinalip
baraberemi.

Menin' bul o'mirde tu'sinip jetken en' u'lken sabag'im usi boldi:Bul i'mirde

bolg'an ba'rshe waqiya jaqsiliq ushin xizmet etedi eken.
Eger bizge sinaq kelip ol sinaqtan kerekli juwmaq shig'ara almasaq Allah taala
bizde ja'ne bir ma'rte sol sinaq penen sinaydi.Sinaqlardan sabir menen o'tiw
haqiyqiy mo'min insa'ng'a ta'n qa'siyet esaplanadi.
Ja'ne bul o'mirde qandayda bir jetiskenlikke eridiwdi qa'lesek birinshi na'wbette
bizlerdi du'nyag'a alip kelgen ata-anamizdin' pa'tiyalari menen raziliqlarin aliwim
za'ru'r.
O'mirimiz dawaminda ha'miyshe sinalip kelemiz.Ha'r ku'nimiz sinaqqa toli.A'ne
sol sinaqlardan o'tip jaratqang'a su'yikli boliwdi qattig'a qa'leymen.
O'mir bizdi aqsha menen dos penen densawliq penen jaqin insanlarimiz benen
sinaydi.Sol sinaqlardan biz o'zimizdin' ta'jriybemiz bilimlerimiz benen o'tip
kelemiz.O'mirim dawamizda ko'p nawqas adamlardi ha'r tur'li jag'daydag'i
insanlardi ko'rip kelgenmen.Sonliqtanba bilmedim qattig'a shu'kirshil insanman.
Adam qolinda barina qanaatlaniw kerek.Ha'mme na'rsenin' o'z waqtinda
qa'dirine jetiwi kerek.
Sinaqlarg'a toli o'mir jolinda insan o'zine mu'nasib o'mirlik joldasin izlemesten
burin o'zi mu'nasib o'mirlik joldas boliwdi u'reniw,o'zine sin'diriw kerek dep
oylayman.
Waqittin' o'tiwi menen o'mir bizlerge kim kerek,kim kerek emes belgili
bolip baraberedi.Bizge kerekli insa'nlardi saylap beredi. Aldimizg'a kelgen ha'r bir
insannan sabaq alip biliwimiz kerek.Ha'r bir insannan jaqsiliq izlewge onin'jawsi
ta'replerin ko'riwge tirisaman.Bizge berilgen ha'mme na'rse waqtinsha ekenligin
an'lawimiz kerek.Ata-anamiz,densawlig'imiz,ku'sh-g'ayratimiz,jaqinlarimiz,iyelep
turg'an ha'melimiz ha'mme ha'mmesi waqtinsha.
Ha'miyshe taza bilimlerdi iyelep o'zimizdi rawajlanidirip bariwimiz
kerek.Ha'zirgi zaman talabida usi esaplanadi.O'zimizdi ha'r ta'repleme
rawajlandirsaq qa'legen tarawda jetiskenlikke erisip o'zimizdin' ornimizdi tawip
ketberemiz.
Insa'n heshqashan sharshamawi bolmawi kerek.Alg'a umitiliwi,taza bilimlerdi
iylewge hushtar boliwi kerek.Erinshek adam jaratqang'ada xosh kelmeydi.Zaman
rawajlaniwi menen biz benen birge internnette rawajlanip ketken.Insan o'zine
berilgen ha'r bir sekundttan u'nemli paydalana biliwi kerek.
O'mirimiz mazmung'a toli boli birinshi na'wbette o'zimizge baylanisli.Bar
mehirimiz benen itibarimizdi ata-anamizg'a ,shanarag'imizg'a jaqinlarimizg'a
qaratsaq olarg'a waqit ajiratip kewil bo'lsek o'mirimiz mazmung'a bay boladi.
Insa'n duwa alg'ani sayin ko'gerip baradi.Jaqsi a'melleri oni ko'klerge ko'teredi.
Adam bay bolmasin meyli ol adamgershilikli bolsa oni harqanday ortaliqta
hu'rmet-izzet ku'tedi.Arzimag'an waqtinsha ha'mel ushin ar-namisimizdi
satpawimiz kerek.Insan heshqashan adamgershiligin umitpawi kerek.
Insa'n o'miri qisqa.Bul bes ku'nlik o'mir o'tedi ketedi.Ko'zdi aship jumg'ansha
waqit o'tip ketken boladi.Ha'r bir demimizdin' qa'dirine jetip waqittan u'nemli
paydalanip, insa'nlarg'a ziyan jetkermey,ja'miyetimiz rawajlaniwina u'les
qosip,sawapli a'mellerdi ko'p qilsaq,jaqinlarimizg'a itibarli bolsaq o'mirimizdin'
mazmunina a'dewir mazmun qosqan bolamiz.
Naduris jollardan ju'rgen insa'nlarda bir ku'ni kelip baslari diywalg'a tiywi aniq
ekenligin bildim.Kim hadal emes joldan ju'rsek isimiz heshqashan alg'a
ilgerilemeydi.Hadal emes as qashan bolmasin tesip shig'adi.Yag'niy buyirmaydi
heshqashan.
Menin' o'zim o'mirdi qattig'a jaqsi ko'remen.O'mirimnin' ha'r bir na'pesin
shadliqqa, quwanishqa,ta'kirarlanbas demlerge bay qilip o'tkeriwdi qa'leymen.
Talqan tabisimizdi jaqsi a'mellerge,sawapli islerge,sayaxatlarg'a sariplasaq
maqsetke muwapiq boladi.
Insa'n qoli bosawj boliwi menen ilim alıwǵa tirisiwi kerek.Qurani Ka'rimdede
Allah bizlerdi oqiwg'a buyirg'an.Tek jaratqan iyemizdin' g'ana aldinda qulshiliq
etken bolamiz.Jaratqang'a iyilsek jaratqan bizdi jaratilg'anlarg'a bas
iydirmeydi,basqalardin' aldinda bizlerdi xor qilmaydi.Ma'rtebemiz asqannan asip
baraberedi. O'mirim dawaminda qansha waqiyalardin' gu'wasi boldim.En' u'lken
alg'an sabag'im usi boldi-jamanliqta jaqsiliqta bul o'mirde juwapsiz qalmaydi
eken.O'zimizden basqa adamg'a iynenin' ushinday jamanliq oylamawimiz
kerek.Qansha ha'wes qilsaq sonsha o'semiz.O'zimizden jag'dayi jaqsi emeslew
insa'nlardi ko'rsek olarg'a pa's na'zer menen qaramay ja'rdem qolin soziwimiz
kerek.Sebebi biz bilmeymiz aldimizda bizdi neler ku'tip turipti.Basimizg'a qansha
sinaw kelsede sabir qilsaq Allah o'zi bizge ja'rdem beredi.Sebebi bendenin' iynine
ol ko'tere almaytug'in ju'kti qoymaydi jaratqan iyemiz.
O'mirimiz biz oylag'annanda tez o'tip ketedi.Qalay o'tip ketkenin bilmey
qalamiz.Sol ushin biybaha o'mirimizdi qa'dirlep jasawimiz kerek.