Олмалиқ филиали “кончилик иши ва металлургия” факультети

2.7.Қазиш - юклаш ишлари.
Қазиш- юклаш ишларида қуйидагилар асосланади ва ҳисоблаш йўли билан топилади: қазиш-юклаш машинасининг тури ва маркаси танланади, уларнинг эксплуатацион унумдорлиги ҳамда очиш ишлари ва қазиш ишлари бўйича ишчи парки ҳисобланади.
2.8. Кон массасини транспорт қилиш.
Курс лойиҳасида транспорт воситалари тури ва маркаси асослаш ҳамда қоплама жинс ва фойдали қазилма бўйича юк оқимига мос ҳолда кон массасини ташиш учун керак бўладиган воситалар сонини ҳисоблаш зарур.
Темир йўл транспорти қўлланилганда қуйидагилар ҳисобланади: поезднинг юк бўйича меьёри, рейс элементлари ва унинг умумий давомийлиги, локомотив составининг унумдорлиги ва уларнинг талаб этиладиган сони.
Автомобиль транспорти қўлланилганда қуйидагилар ҳисобланади:
Автосамосвал тури ва маркаси, рейс элементлари ва унинг давомийлиги,автосамосвал унумдорлиги ва уларнинг талаб этиладиган сони.
Конвейер транспортида эса қуйидагилар аниқланади: конвейер тури танланади, унинг унумдорлиги, сони ва асосий кўрсатгичлари ҳисобланади, қайта юклаш пунктларининг жойлашиш схемалари ишлаб чиқилади.
2.9. Тўкма отвал ҳосил қилиш ишлари.
Лойиҳанинг ушбу қисмида қуйидагиларни ҳисоблаш лозим:

• 
  тўкма отвал ҳосил қилиш воситалари ҳамда ёрдамчи ускуналарнинг тури, маркаси ва унумдорлиги;
  
• 
  тўкма отвал ҳосил қилиш усули;
  
• 
  тўкма отвал иш фронтининг ривожланиш схемаси;
  
• 
  тўкма отвал кўрсатгичлари ( яруслар сони, яруслар баландлиги, тўкма кирими кенглиги, тўкма фронти узунлиги, тўкма майдони).
  

2.10. Очиқ кон ишларини олиб бориш натижасида бузилган ерларни рекультивация қилиш.
Лойиҳанинг ушбу бўлимида рекультивация ишларининг технологик схемаси танлаб олинади.
Лойиҳанинг тушунтириш-ёзув қисмида технологик схема расми кўрсатилиши зарур.
2.11. Техника хавфсизлиги ва меҳнатни муҳофаза қилиш.
Ушбу бўлимда қуйидагилар асослаб берилиши лозим:

• 
  қабул қилинган карьер борти ва поғоналари қиялик бурчакларининг хавфсизлиги;
  
• 
  фойдали қазилма ва қоплама жинслар бўйича хавфсиз поғона баландлиги;
  
• 
  капитал траншея технологик элементларини ҳисоблашда хавфсизликни ҳисобга олиш;
  
• 
  портлатиш ишларида хавфсизлик масофасини ҳисоблаш;
  
• 
  поғоналарда механизмларини хавфсиз масофада жойлаштириш.