Oliy va o’rta maxsus

Xulosa va tavsiyalar
Xulosa qilib shuni aytish kerakki, respublikamiz hayotida yangicha yuksalish bosqichi amalga oshmoqda. Bu jarayon jamiyatning barcha jabhalarida, jumladan, tasviriy san’at ta’limi tizimida ham yangi sifat bosqichiga ko‘tarilmoqda.
Ajdodlarimiz tarixi bizning zamonamizdan qanchalik uzoq, ularning urf-odatlari, e’tiqodlari qanchalik o‘ziga xos bo‘lganligidan qatiy nazar bizni ularga bog‘lab turgan ma’naviy-ruhiy rishtalar shunchalik mustahkamdir. Bu rishtalar, shubhasiz, tasviriy va amaliy san’at namunalaridir. San’atimiz tarixini puxta o‘rgangan sayin buyuk ajdodlarimiz qoldirgan izlar aniqroq ko‘zga tashlanaveradi, qadimgi manzilgohlar madaniy-ma’naviy qadriyatlar sehru jozibasi bilan aniqroq ko‘rinadi. Biz ularni o‘rganib dunyoqarashimizni boyitamiz, muhimi tarixiy dalillar asosida ish ko‘ramiz. Ana shunday mukammal san’at insonni ma’naviy kamolotga etaklaydi.
Mustaqillik yillarida (xalqaro ko‘rgazmalar, yarmarkalar, tanlovlarni uyushtirish) hamda bevosita ishtirokchi sifatida (Parij, Berlin, SHtutgart, London, Tokio, Istambul, Nyu-York, Moskva, Sankt-Peterburg singari) yirik san’at ilmiy markazlarida ijodiy ko‘rgazmalar, ilmiy seminarlar tashkil etildi.
Bunday anjumanlarda O‘zbekistonning hozirgi miniatyura rang tasvir san’ati badiiy jihatdan kamolga etdi va butun SHarqdagi miniatyura markazlari orasida etakchi o‘rinlardan birini egalladi.
YUrtimiz istiqlolga erishgandan so‘ng madaniyatning barcha sohalari qatori zamonaviy o‘zbek tasviriy san’atini milliy va umumbashariy qadriyatlar uyg‘unligi asosida rivojlantirish masalasiga ham davlatimiz tomonidan alohida e’tibor berildi.
Bunda ayniqsa mamlakatimiz Prezidenti tashabbusi bilan olib borilgan qator tashkiliy-amaliy ishlar, jumladan O‘zbekiston Badiiy akademiyasi, Kamoliddin Behzod nomli milliy rassomlik va dizayn instituti, Tasviriy san’at galereyasi kabi butunlay yangicha ma’no-mazmundagi tuzilmalar faoliyatining yo‘lga qo‘yilishi, Behzod xotira bog‘-muzeyi, o‘zbek, rus va ingliz tillarida chop etiladigan “San’at” badiiy jurnalining tashkil etilishi, buyuk musavvir Kamoliddin Behzodning tavallud to‘yi keng miqyosda o‘tkazildi. Bu sohada faoliyat yuritayotgan ijodiy tashkilot va uyushmalar soliq va boshqa to‘lovlar borasida engillik va imtiyozlar berilishi bilan bog‘liq ko‘pgina tadbirlar muhim ahamiyatga ega bo‘ldi.
Bularning barchasi rang tasvir san’atining eng nozik va yuksak badiiy namunasi bo‘lmish miniatyura janrining zamonaviy asosda rivojlanishi, yangi va yuqori bosqichga ko‘tarilishi uchun mustahkam poydevor bo‘lib xizmat qildi.
O‘zbek miniatyura san’ati hozirgi kunda mustahkam g‘oyaviy-badiiy va ilmiy asosga ega. Zamonaviy o‘zbek miniatyurasi namunalarini o‘zida mujassam etgan ushbu bitiruv malakaviy ishdan ma’lumot va tadqiqotlar, eng avvalo miniatyura asarlarining estetik mohiyatini ochishga hamda O‘zbekistonning hozirgi miniatyurachi rassomlari ijodi san’atining xalqchil ruhini va uning ezgu intilishlari hamda hayotga falsafiy qarashni, kelajakka ishonchni aks ettiruvchi milliy turi ekanligini ko‘rsatishga intilishdir.