Oliy va o`rta maxsus ta`lim vazirligi

Maktabgacha tarbiya pedagogikasi - maktabgacha yoshdagi bolalarni tarbiyalash muammolari 
bilan shug`ullanuvchi fan.  
Maktabgacha  yoshdagi  bolalarning  tushuncha,  tafakkur,  dunyoqarashlarini  shakllantiruvchi, 
ularni  fikrlashga  o`rgatuvchi,  dasrliklarni,  qo`llanmalarni  yaratib,  amaliyotga  tadbiq  etish  muhim 
pedagogik  vazifadir?  Buning  uchun  bolalarning  xususiyati  (yosh  xususiyati,  bilim  darajasi,  qiziqishi 
ijtimoiy muhiti)ni yaxshi anglash zarur. 
Maktabgacha yoshdagi bolalarni ikki guruhga bo`linadi. 
YAsli davri: 1-3 yosh; maktabgacha davr: 3-7 yosh. 
Bolaning o`sishi: har yili bo`yi 6 smga, og`irligi esa Rq 1-2kgga o`sadi. Ammo bu o`sish oilaviy 
sharoit, muhitga bog`liqligini unutmaslik zarur. 
V.A.Suxomlinskiy  yozadi:  «Odam ikki marta tug`iladi»: birinchi marta tirik jon, ikkinchi marta 
fuqaro va faol fikr yurituvchi, harakat qiluvchi, mustaqil shaxs dunyoga keladi. 
Insonni  aqliy  qobiliyati  umumiy  rivojlanishining teng  yarmi  dastlabki  3-4  yoshida, 30  foizi  4-8 
yoshlik davrida, qolgan 20 foizi esa 8-17 yoshlarida ro`y beradi.  
K.D.Ushinskiy  fikricha,  6  yoshli  bolaning  bir  oy  davomidagi  jismoniy  va  aqliy  kamoloti  10 
yashar bolaning bir yillik o`sishidan ustun turadi.  
5 yoshdagi bolada paydo bo`lgan biron bir hissiyotni u ko`pincha umrbod esidan chiqarmaydi. 7 
yoshdagi odat 70 yoshida ham saqlanadi.