Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

Sir aytish

Inson har uchragan kimsaga sirini aytsa, shubhasiz, halokatga duch keladi. Pulining miqdorini so‘zlash insonni irodasizlikka boshlaydi.
Tashabbusini va boradigan joyini gapirish, dushmanlar makr va hiyla qilishiga yo‘l ochish demakdir.
Aflotun aytadi:
- Dunyoda eng ojiz va notavon odam o‘z sirini yashira olmaydigan kishidir. Agar kishi o‘z sirini asray olmasa, hech qanday do‘st uni asrashga qodir emas!

Xasislik

YAramas va xasis kishining eshigini taqillatishda saxiy va mo‘‘tabar kishining oziq tishini sug‘urish bilan barobar ranju izza bordir. YA’ni, saxiy kishi ishi tushib zaruratdan xasis odamning eshigini qoqsa, u bilan o‘zining oziq tishini sug‘urtirgandek ozoru aziyat chekkan holda qiladi.

SHoshqaloqlik

SHoshib har kishi ki qilich ushlagay, Pushaymon bila o‘z qo‘lin tishlagay.
Sa’diy SHeroziy Vaqtidan oldin (bunga tayyor bo‘lmay turib) boshliq bo‘lishni istagan
kishi xor bo‘lib yashaydi.
Ilm hosil qilmasdan turib, shoshqaloqlik bilan boylik orttirish va ayollar bilan mashg‘ul bo‘lishga vaqtingni sarf qilsang, umring zoe ketadi.
Kam bilgan tez xulosa chiqaradi. CHunki taroziga solib ko‘rishga arziydigan toshlarning o‘zi yo‘q.

Tilyog‘lamalik

Tilyog‘lamalikdan qullik o‘sib chiqadi. SHuning uchun “Tilyog‘lamalik qullarning yashash usulidir”.

Qiziquvchi

Aslida qiziquvchanlik yaxshi narsa. Ko‘p narsa o‘rganishga harakat qiladi, dunyoqarashi kengayadi. Ammo me’yoridan ortiq qiziqish, birovlarning suhbatiga, ishiga, hayotiga aralashish, hatto quloq tutish ham mumkin emas. Ba’zilar mashhur kishilar, san’atkorlar, rahbarlar va hokazolar haqidagi ma’lumotlarni o‘qishga, eshitishga, boshqalarni ham xabardor qilishga harakat qilishadi. Bu vaqtni behuda o‘tkazish degani. Hayotda o‘z o‘rnini topib ulgurmagan yoshlarda bunday fe’lning shakllanishi hammaning hayotini tahlil qiluvchi g‘iybatchiga aylantiradi. Burunni hamma joyga suqish yaxshilikka olib kelmaydi.