Oliy va o‘rta maxsus ta’lim vazirligi nizomiy nomidagi toshkent davlat pedagogika universiteti

Fanni o‘zlashtirish uchun zarur boshlang‘ich bilimlar

1.	O‘zbekiston tarixining eng qadimgi va qadimgi davri bosqichlari, har bir davrning o‘ziga xos xususiyatlari, jahon tarixida O‘zbekiston tarixinning eng qadimgi va qadimgi davrining tutgan o‘rni haqida tasavvurga ega bo‘lishi kerak;
2.	Markaziy Osiyoda tarixiy–madaniy merosga munosabat, zamonaviy muammolar va yondashuvlar, tarixiylik va xolislik nuqtai nazaridan O‘zbekiston tarixi muammolarining ishlab chiqilishi jarayonlarini bilishi kerak;
3.	O‘zbekiston tarixining qadimgi va o’rta asrlar tarixi haqida bilimlarga ega bo‘lishi kerak
4.	Shayboniylar va Ashtarxoniylar hukmronligi davrida Movarounnahrdagi siyosiy va iqtisodiy jarayonlar tarixi xaqida dastlabki ma’lumotlarga ega bo‘lishi kerak.
5.	O‘zbek xalqining kelib chiqishi, etnogenezi va etnik tarixi, o‘zbek xalqining etnik shakllanishi bosqichlari, o‘zbek xalqining etnik shakllanishi haqida tushunchaga ega bo‘lishi kerak.
6.	XVIII asrning birinchi yarmi - XIX asrning birinchi yarmida O’rta Osiyo xonliklaridagi siyosiy jarayonlar, Ashtarxoniylar sulolasining inqirozga uchrashi va Farg‘ona vodiysining Buxoro xonligidan mustaqillikka erishishi, mang‘itlar sulolasining Buxoroda, qo‘ng‘irotlar sulolasiing Xiva xonliklarida hokiimiyat tepasiga kelishi voqealari tafsilotlari haqida ma’lumotga va tasavvurga ega bo‘lishi kerak.
7.	O‘rta Osiyo xonliklarining Rossiya imperiyasi tomonidan bosib olinishi jarayonlari, O‘rta Osiyo masalasida ingliz-rus raqobati, Rossiya impeiyasining Xiva xonligi va Qo‘qon xonligiga qarshi dastlabki harbiy yurishlari, O‘rta Osiyo xonliklariga uyuushtirilgan josuslik missiyalari hamda ular tomonidan O‘rta Osiyoning kartografik va harbiy topografik jihatdan o‘rganilishi haqida tushunchaga va ma’lumotlarga ega bo‘lishi kerak.
8.	O‘rta Osiyoning Rossiya imperiyasi tomonidan bosib olinishi jarayonlari, Buxoro amirligi va Xiva xonligining mustamlakaga aylantirilishi, Qo‘qon xonligining tugatilishi, Turkiston general gubernatrligining tashkil etilishi va mustamlaka boshqaruv tizimining joriy etilishi masalalari haqida ma’lumotlarga ega bo‘lishi kerak.
9.	XIX asrning ikkinchi yarmi – XX asr boshlarida O’rta Osiyoda siyosiy va iqtisodiy munosabatlarning keskinlashuvi, O‘rta Osiyo xalqlarinig o‘z mustaqilligi uchun olib borgan ozodlik kurashlari va ularning yetakchilari, milliy ozodlik harakatlarining borishi va natijalari, haqida ma’lumotga ega bo‘lishi kerak.
10.	XIX asrning ikkinchi yarmi – XX asr boshlarida O‘rta Osiyo xaqlari madaniy hayoti, tarixnavislik, sharqshunoslik, tabiiy fanlarning rivojlanishi, jadidchilik harakati, uning mohiyati haqida tushunchalarga va tasavurga ega bo‘lishi kerak.
11.	O‘zbekiston tarixining sovet davri va O‘zbekiston mustaqilligining o‘ziga xos xususiyatlari tahlilini amalga oshira olishi, jahon tarixida O‘zbekiston tarixining sovet mustamlakachilik davri va mustaqilligi yillarida tutgan o‘rni haqida tasavvurga ega bo‘lishi kerak;
12.	O‘zbekiston tarixining moddiy va ma’naviy merosiga munosabat, zamonaviy muammolar va yondashuvlar, tarixiylik va xolislik nuqtai nazaridan O‘zbekiston tarixi muammolarining ishlab chiqilishi jarayonlarini bilishi kerak;