Oliy va o‘rta maxsus ta’lim

Ilmiy tadqiqot ishining mazmuni

1. 
   Ilmiy tadqiqot ishining I bosqichi (1-semestr)
   

Ilmiy faoliyatning I bosqichida magistrlik dissertatsiyasi mavzusining kirish qismi talqin qilinadi. Bunda magistrant mavzuning dolzarbligini asoslaydi, tadqiqot ob’ektini va predmetini aniqlaydi, maqsad va vazifalarini belgilaydi, ilmiy yangiligini yoritadi, asosiy masalalari va farazlarini keltiradi, tegishli adabiyotlar va manba’larni tahlil qiladi, qo‘llaniladigan metodikani va uning natijalarini nazariy va amaliy ahamiyatini tavsiflaydi. Magistrlik dissertatsiyasi mavzusining bajarilishi yuzasidan uning ish tuzilmasini ya’ni mundarijasini yaratadi.
Magistrant mavzuning o‘rganilganlik darajasini aniqlash maqsadida xorijiy va respublika ilmiy-uslubiy adabiyotlarni tahlil etadi, ma’lumotlar to‘playdi. Natijada etarli darajada yig‘ilgan materiallar asosidagi dissertatsiya ishining adabiyotlar tahlili qismini ilmiy tadqiqot ishining I bosqichida rasmiylashtiradi.
Magistrant ilmiy faoliyatning I bosqichi yuzasidan bajarilgan ishlari natijalarini 1-semestr davomida kafedra yig‘ilishida muhokama qilinadi. Kafedra yig‘ilishi qaroriga binoan semestr yakunida har bir magistrantning ilmiy faoliyati I
bosqichi natijalari bo‘yicha magistratura bo‘limida talabaning ilmiy rahbari, kafedra mudiri ishtirokida barcha bajarilgan ishlari bo‘yicha hisoboti eshitilib, attestatsiyadan o‘tkaziladi. Talaba attestatsiyaga dissertatsiya ishining adabiyotlar tahlili qismini to‘liq rasmiylashtirgan va boshlang‘ich materiallarni attestatsiya hay’atiga taqdim etishi lozim.
Dissertatsiyaning adabiyotlar sharhi, muammoning o‘rganilganlik holatiga bag‘ishlangan qismi (ikki-uch qismdan iborat bo‘lishi mumkin) 15-20 bet atrofida bo‘lishi tavsiya etiladi.
Talaba ilmiy faoliyatning I bosqichida quyidagilarga alohida e’tibor berishi tavsiya etiladi: ilmiy izlanishlar olib borish, kasbiy muammolarni aniqlash va ularni echishning umumiy usullari va yo‘llarini o‘rganish; ilmiy faoliyat davomida olingan axborotlarni qayta ishlash va umumlashtirish; tanlangan mavzuning dolzarbligini asoslash; ilmiy-nazariy, ilmiy-uslubiy va psixologik-pedagogik talablarni shakllantirish, qo‘yilgan masalani echish usullarini ko‘rib chiqish va ulardan eng samaralisini aniqlash.
Birinchi bosqich magistratura talabalari 1-semestrda rejalashtirilgan ilmiy- tadqiqot ishi davomida magistrlik dissertatsiyasi mavzusini tanlashi, ilmiy rahbarni aniqlashi, ilmiy tadqiqot maqsadini belgilab olishi, tadqiqot vazifalarini aniqlashi, ilmiy rahbar bilan birgalikda magistrlik dissertatsiyasi rejasini ishlab chiqishi, tadqiqot predmeti va ob’ektini aniqlab olishi, kutubxonalardan va internetdan mavzuga doir ma’lumotlarni to‘plashi hamda bajarilgan ishlar yuzasidan yozma hisobot tayyorlashi lozim.
Birinchi bosqich magistrant talabalar 1-semestrga rejalashtirilgan ilmiy- tadqiqot ishi vaqtida magistrlik dissertatsiyasi mavzusining dolzarbligini asoslashi, dissertatsiyaning maqsad va vazifalari, tadqiqot predmeti, ob’ektini belgilab olishi, amaliy ahamiyati, ilmiy yangiligi, tanlangan mavzuning ishlanganlik darajasini aniqlashi, tajriba-sinov ishlarini olib borish uchun kerakli materiallarni tayyorlashi kerak hamda kafedra majlisida tanlangan mavzuning dolzarbligini asoslab, tuzilgan rejani himoya qila olishi lozim.
Birinchi kurs magistratura talabalarining ilmiy-tadqiqot ishini baholash
mezonlari¹ (1-semestr)

№	Bajariladigan ishning mazmuni			Maksimal ball
1.	Magistrlik dissertatsiyasi mavzusini tanlagani va uni tasdiqlanganligi	va ilmiy	rahbar	10
2.	Kalendar ish rejasini tasdiqlanganligi			10
3.	Magistrlik dissertatsiyasining shakllantirganligi	kirish	qismini	10
4.	Mavzuga doir ilmiy adabiyotlar va yuqori iqtibosli maqolalar bilan tanishganligi, ulardan eng muhimlari bo‘yicha katalog tuzganligi, tahlil qilganligi			10
5.	Ilmiy tadqiqot ishining tuzilmasini mavjudligi			10
6.	Ilmiy tadqiqot ishini olib borishda vazifalarni hal etishga mustaqil yondashuvi			10
7.	Mavzu bo‘yicha xorijiy, mahalliy jurnallarda, xalqaro va respublika konferensiya to‘plamlarida 1ta maqola yoki tezis chop etilganligi			10
8.	Ilmiy tadqiqot ishi bo‘yicha plagiat, ma’lumotlarni soxtalashtirish, shuningdek yolg‘on sitatalar keltirishga yo‘l qo‘yilmaganligi			10
9.	O‘quv yilining birinchi semestri davomida amalga oshirilgan ishlar yuzasidan hisobot tayyorlaganligi va uni kafedraga himoya uchun taqdim etganligi			10
10.	Bajarilgan ishlar yuzasidan hisobotning sifati, kafedrada muhokama qilinganligi va baholanganligi haqidagi yig‘ilish bayonnomasidan ko‘chirmaning mavjudligi			10
Jami:				100

₁Ilmiy tadqiqot ishi bo‘yicha yakuniy baho Oliy va o‘rta maxsus ta’lim vazirligining 202- yil 15-yanvardagi 30-son qarori 7-ilovasida keltirilgan “Baholarni konvertasiya qilish jadvali” asosida aniqlanadi.

2.