“Oliy ta’lim tizimida o‘qitishning xorijiy tajribalari” mavzusidagi amaliy seminar haqida
© Muhammad al-Xorazmiy nomidagi Toshkent Axborot Texnologiyalari Universiteti - 2019
26-27 aprel kunlari Samarqand tibbiyot institutida O‘zbekiston Respublikasi oliy va o‘rta maxsus ta’lim
vazirligi va O‘zbekiston Respublikasi axborot texnologiyalari va kommunikatsiyalarini rivojlantirish vazirligi
bilan hamkorlikda "Oliy ta’lim tizimida o‘qitishning xorijiy tajribalari” mavzusidagi amaliy seminar tashkil
etildi. Seminarda ta’lim jarayonida zamonaviy axborot-kommunikatsiya texnologiyalaridan foydalanish
orqali ta’lim sifatini yanada oshirish, xalqaro standartlarga mos yangi davlat ta’lim standartlari va o‘quv
rejalarini tuzishdaxorijiy oliy ta’lim muassasalari o‘quv tizimidagi tajribalaridan foydalanish haqida fikr
yuritildi.
Mazkur seminarda TATU rektori O‘.R. Xamdamov "Ta’lim jarayoniga axborot-kommunikatsiya
texnologiyalarini joriy etish samaradorligi” mavzusida, axborot-kommunikatsiya texnologiyalari bo‘yicha
maslahatchi prorektori Li Sul Chu (Chil Soo Lee) "Janubiy Koreya ta’lim tizimi” mavzusida ma’ruza qildi.
Seminar O‘zbekiston Respublikasi Vazirlar Mahkamasi Rayosati majlisining 2016 yil 23 fevraldagi
"2013-2020 yillarda O‘zbekiston Respublikasining milliy axborot-kommunikatsiya tizimini rivojlantirish
kompleks dasturini bajarish bo‘yicha amalga oshirilgan ishlar yuzasidan O‘zbekiston Respublikasi axborot
texnologiyalari va kommunikatsiyalarini rivojlantirish vazirligi rahbariyatining mas’uliyati to‘g‘risida”gi 17-
son bayoni hamdaOliy va o‘rta maxsus ta’lim vazirligining 2016 yil 9 martdagi 99-sonli buyrug‘ida
belgilangan vazifalar ijrosini ta’minlash maqsadida tashkil etilgan bo‘lib, unda Samarqand viloyatidagi
barcha Oliy o‘quv yurtlari rektorlari, prorektorlari vao‘quv-uslubiy bo‘lim boshliqlari ishtirok etdilar.
2 kun davom etgan ushbu amaliy seminarda TATU va uning xududiy filiallarida Janubiy Koreyaning nufuzli
Oliy o‘quv yurtlari tajribalariga tayangan holda yangi tashkil etilgan bakalavriat yo‘nalishlari hamda
magistratura mutaxassisliklari o‘quv rejalari haqida ham ma’lumotlar almashinilib, fikrlar bildirildi. Shu
bilan birga, oliy ta’lim tizimida axborot-kommunikatsiya texnologiyalaridan foydalangan holda o‘quv
jarayoni va ta’lim sifatini oshirish, shaffoflikni ta’minlash maqsadida MOODLE tizimidan foydalanish,
talabalar bilimini reyting asosida baholashning afzallik tomonlari ham seminarda muhokama etildi