Олий ва ўрта махсус таълим вазирлигининг 2022 йил " " апрелдаги

2.5. Аъзоликка расман қабул қилиш ва ташкилот муҳитига 
интеграциялашув жараёни 
Ишчи гуруҳ ҳисоботи Бош кенгашга тақдим этилишидан олдин ЖСТ 
котибияти номзод давлат ташкилот бюджетига кузатувчи сифатида 

---

29 
бадалларни ўз вақтида ва тўлиқ тўлаганлигини текширади. Aгар молиявий 
мажбуриятлар тўлиқ бажарилган бўлса, ҳисобот қабул қилинади. 
Ҳисобот Бош кенгашга тақдим этилганидан сўнг кенгаш раиси 
томонидан ташкилотга қўшилиш баённомаси, қўшилиш тўғрисидаги қарорни, 
ишчи гуруҳнинг ҳисоботини, ягона товарлар хизматлар тарифлари жадвалини 
тасдиқлайди. 
Номзод давлатга ЖСТ бюджетига барча аъзо давлатлар умумий халқаро 
савдосидаги улушининг 1 фоизини миқдорида йиллик аъзолик бадалини тўлаб 
бориш мажбурияти юкланади. Агар мамлакатнинг ЖСТга аъзо 
мамлакатларнинг умумий савдоси ҳажмининг 0,015 фоизидан кам бўлса,
0,015 фоиз миқдоридаги минимал бадал тўлаши лозим бўлади. Шунингдек, 
янги аъзолар ташкилотнинг айланма маблағлар жамғармасига бир марталик 
бўнак тўлайдилар. Минимал бўнак миқдори жамғарманинг асосий қарзининг 
0,5 фоизини ташкил қилади. 
Номзод давлатни ташкилотга қабул қилиш бўйича якуний қарорни қабул 
қилишдан олдин ЖСТ аъзолари қўшилиш шартларини яна бир бор таклиф 
қилади. Номзод давлат шартларга рози бўлса, юқоридаги баённомани 
имзолайди ва ўз парлементида ратификация қилади. Номзод давлатга 
баённома имзоланган санадан бошлаб 6 ой муддатда ташкилотга кириш 
шартларида кўзда тутилган ислоҳотларни ўтказиш ва қонунчиликка тегишли 
ўзгартиришларни киритиш вазифаси юклатилади.
Номзод давлат ташкилотга кириш шартларини бажарганидан Бош 
кенгашни хабардор қилади. Бош кенгаш бир ой муддат ичида шартнома 
шартлари бажарилганлигини ўрганиб чиқади ва камчиликлар аниқланмаган 
тақдирда номзод давлатни ташкилотга тўлавонли аъзо бўлганини расман 
эълон қилади.