Олий ва ¤рта махсус таълим вазирлиги

Egalik qo`shimchali so`zlarning imlosi.

• 
  terak, qishloq, bolalik singari ikki va ko`p bo`g`inli so`zlarda egalik qo`shimchasi qo`shilganda, asos qismining oxirgi k, q tovushlari g va g` tarzida talaffuz qilinadi va shunday yoziladi: teragi, qishlog`i, bolaligi;
  
• 
  o`rin, shahar,burun kabi ikkinchi bo`g`inida i, a, u qisqa unlilari ishtirok etgan so`zlarda egalik qo`shimchasi qo`shilganda ikkinchi bo`g`indagi i, a, u unlilari tushib qoladi: o`rni, shahri, burni;
  
• 
  nok, chok, mashq kabi bir bo`g`inli, idrok, ishtirok, huquq kabi ko`p bo`g`inli so`zlarda egalik qo`shimchalari qo`shilganda asos qismda hech qanday o`zgarish bo`lmaydi: noki, ishtiroki, huquqi. Demak, egalik qo`shimchalari qo`shilganda ba’zi so`zlarda tovush almashishi va tovush tushishi hodisalari yuz beradi.
  

Kelishik shakllari. Ismlarni boshqa so`zlarga tobelantirib bog`lash uchun xizmat qiluvchi qo`shimchalar kelishik shakllari sanaladi. Kelishik shakllari doim tobe so`zga qo`shiladi. O`zbek tilida oltita kelishik mavjud:

Kelishik nomlari	Qo`shimchalari	Misollar
Bosh kelishik	---	Bola gapirdi
Qaratqich kelishigi	-ning	Karimning ukasi
Tushum kelishigi	-ni	Do`stini uchratmoq
Jo`nalish kelishigi	-ga (-ka, -qa)	Onaga, tog`ga, buloqqa, bilakka
O`rin-payt kelishigi	-da	Maktabda o`qimoq
Chiqish kelishigi	-dan	Uydan chiqmoq

Ismlarning egalik qo`shimchalari bilan shaxs-sonda hamda kelishik qo`shimchalari bilan o`zgarishi turlanish deyiladi. Turlovchi qo`shimchalar egalik va kelishik qo`shimchalaridir.